Ezokuzithokozisa

0 187
UFish F McSwagg

VUSUMUZI NDLOVU
Ingoma: Ubuntu
Umculi: Fish F McSwagg

UFISH F McSwagg kungoma yakhe entsha ethi Ubuntu ubuza njalo ehlokoza abantu ethi ubuntu buyephi kusizwe sakithi. Ukwenza lokhu ngethalenta lakhe eligoqela ukuxhumanisa ukusakaza kwembongi ezifana lezinkulu oAlbert Nyathi, uNqindi loba uLikhwa ka Ncube, langomculo awenzayo ngengoma yakhe entsha le.

0 176

Vusumuzi Ndlovu
Idlalade : Command Hustle
Umculi: Guluva Se7en
MAHLABEZULU siyajabula ukusukuma koMthwakazi lesizwe jikelele ngomculo maviki wonke kulelihlandla, sisukumisela umsebenzi wabaculi phezulu, ngokusakaza ezitshisayo.

0 177
MduSevan

Vusumuzi ndlovu
QOKI babali kwelinye njalo ihlandla laleyi nkundla kuphephandaba likazulu. Kuliviki sihamba ngohambo lomculi wolutsha olusukumayo kumdumo we-House Music. Lujaha kuyajabulisa ukumbona engadeli ukuqhubeka eqhunsa njalo esungula umsebenzi wakhe njalo ekhula kumdlalo wokuqhunsa ingoma, esenza umsebenzi obanakalayo emphakathini.

0 213
UThembi Nyandeni

AKUCACI ngekusasa lomlingisi weSibaya, uThembi Nyandeni, njengoba kuvela ukuthi akasaqophi kulo mdlalo.

UThembi, ongomunye wabalingisi ababakhona kusukela lumdlalo uqalisa, ulingisa indawo kaMkabayi ongusomatekisi ongabambi umtshini. Ungudadewabo kaMpiyakhe olingiswa nguSiyabonga Thwala.

Umthombo weSolezwe ozazi zonke ezenzeka kulo mdlalo uveze ukuthi akuveli ukuthi kuzakwenzakalani kulo mdlalo.

“Useqedile ukuqopha indawo yakhe. Asazi ukuthi uthethe ikhefu loba akasabuyi ngoba akuveli kuhle. Engingakutsho nje kodwa yikuthi akasaqophi futhi kusathule ukuthi kwenzakalani ngendawo yakhe,” kutsho umthombo.

Imizamo yokuthola uThembi izolo ayiphumelelanga njengoba ucingo lwakhe beluvaliwe lulokhu lungena ku-voicemail ngesikhathi ezanywa izikhathi ezehlukeneyo.

Kumazwibela alo mdlalo igama likaMkabayi aliveli kusukela ngoMvulo.

“Umdlalo uzagxila kakhulu kuMpiyakhe lephoyisa uSibongile (Lerato Mvelase) njengoba ubudlelwano babo buya ngokukhula. Empeleni uMpiyakhe ufuna ukumenza unkosikazi wakhe wesithathu,” kutsho umthombo.

Ngokwezibalo zeBroadcast Research Council, Isibaya, sisendaweni yesine ngesibalo sababukeli kuDStv.

Izibalo zangenyanga edlule zikhomba ukuthi sibukwa ngabantu abangu-1 194 715.

Okhulumela iMzansi Magic, u-Emmah Ngomane, uthe uThembi uthethe ikhefu kulo umdlalo.

“Umam’Thembi usayingxenye yeSibaya. Uthethe ikhefu ngesikhathi esahambela e-US le-Umoja,” kutsho u-Emmah.

Umoja ngumdlalo weshashalazi uThembi angomunye wabasunguli bawo.

0 277
UAnthony Tshuma obizwa ngelokuthi Mlandi weTshitshi

UMCULO kamaskandi usulodumo kumhlubulo ongezansi kwelizwe ngenxa yokwanda kwabaculi abadabuka kulindawo abacindezela amadlalade beseMzansi. Kuminyaka engamatshumi amabili adluleyo, umculo lo ubusaziwa ungowabaculi abaphuma khona eSouth Africa kodwa ngokuya kwesikhathi usabalale kakhulu sekucula isizukulwana salabo abaqala lumsebenzi.

0 292
UMqondisi “Skaiva” Sibanda

Vusumuzi Ndlovu
USUJIKILE njalo umkhathi kwelakithi, sesiphumile ngempela ekhazeni elitshaye kwazwela lonyaka.

Lamukelekile njalo kwezokuzithokozisa babali. Namhla sizalazisa ngemisebenzi embalwa esikhona lasendleleni elingayilindela ngabomvu evela kubaculi bethu abehlukeneyo kwelakithi.

Kuliviki sidibana lojaha weMabutweni owenza izimanga kumculo we “house music”. UMqondisi “Skaiva” Sibanda ukhiphe ingoma entsha elodumo ye-kwaito ehlanganiswe le-rap. Ingoma le uyipheke loLord Skeelz, uChookie loMawiza. Ngakolunye uhlangothi uMqondisi usungule iEP yakhe ebizwa ngokuthi In His Will, etholakala kumikambo yebulenjini njalo lakuWhatsapp, ngeEcoCash, langaphandle kuTraxsource. UCal_Vin laye usungule uhlelo olufanayo nge “Dollar Fridays”, lapho asungula ingoma maviki wonke, ayithengise ngokufanayo ebulenjini.

USizalobuhle Nkomo, odume ngelokuthi Msizkay ungazise ukuba usasebenza gadalala ngedlalade lakhe elimele liphume emaduzaneni. Usebenze loSandra Ndebele kuEngikuzwayo, ingoma okumele isungule ukulungiselela abalaleli kumsebenzi wakhe omutsha. Kusenjalo, uTeecy usekhiphe ingoma yakhe uKutshon’ Ilanga kuviki edluleyo, uthi idlalade lisendleleni, njalo lisaphekwa.

Sikhangelele ukuba uFloppyX uzavuka ekuthuleni emaduzaneni ledlalade lakhe uThe X Factor 2. Sikulindele ndoda. U-Oswald “Ozzbit” Moyo uthi yena akahlulwa kulumdlalo we rap, njalo ucela inkundla lozizwayo ngomdlalo wakhe wamagama lengoma ku-Imidlwane ye Rap.

Siye kumisebenzi yomabonakude elingayikhangelela emaduzaneni. UMzoe7 usebenza uhlelo olutsha oluzabonakala emisakazweni emaduzaneni. Kafunanga ukubalisa okunengi ngoba ethi ufuna ukuba loluhlelo luthathe abantu ngesimanga. Asibambeni lonelo okwakhathesi, silindile jaha.

UKBrizzy laye ukhangelelwe ukusungula uhlelo lukamabonakude kaDiablo emaduzaneni, esebenza lomqondisi wohlonzi uAndy Cutta. UKingBL laye usebenze ividiyo yengoma uWhite Tee, ingoma ayipheka loRepresent Beats.

Umqondisi womabonakude uMarcus, usebenze loMUSE kungoma entsha uBad Habit. UMarcus nguye owenza umdlalo kamabonakude kaASAPH uMambo njalo lo-Dfrnt kaVic Jita. Levidiyo imayelana lentombi emdlalisa amandlwane yena elemizwa layo. Lumdlalo usetshenzelwe eCrystal koBulawayo njalo kulabaculi ababonakalayo bezoxhasa lomsebenzi, bekhombisa ukubambana.

Kuhle ukubona abaculi bethu bephatha umsebenzi wabo ngothando befaka ingoma zabo kumikambo yamavidiyo efana laboYouTube, lokuwuthengisela kweminye imikambo ephandle kwelizwe ngemisebenzi yobulembu, okukhombisa ukuzethemba lokuziqhenya ngomsebenzi wabo.