Ngisazizwa loba sengigugile: Mambare

11 Apr, 2024 - 00:04 0 Views
Ngisazizwa loba sengigugile:  Mambare Masimba Mambare

uMthunywa

Fungai Muderere 

OWAKE wadlalela iqembu leHighlanders uMasimba Mambare ubika ukuthi loba esekhulile, usaselawo amandla okuligiqa ibhola.

Uthe engabe elamasizini amabili edlala. Umdlali lo uleminyaka engu-38 yokuzalwa. Usedlalela iqembu leBikita Minerals.

Ukhulume lentatheli yeZimpapers Sports Hub ngempelaviki ngemva komdlalo wabo leArenel, lapho abadliwe khona 2-1 enkundleni yeLuveve.

“Ngibona sengathi ngingadlala amasizini amabili alandelayo. Kulesikhathi lapho okwakumele ngikhangele okuthile empilweni yami, kodwa ngiyajabula ukuthi sengiphendukile.

“Ukudlalela iBikita Minerals kunginikeza umfutho njalo kungikhuthaza ukuthi ngenze ngcono,” kutsho uMambare.

Ngesizini ka-2012, uMambare wakhethwa kukhalenda yabadlali abenza kuhle.

Ekufikeni kwakhe kuBikita Minerals, uMambare uhlangane lamanye “amakhehla” kunguqu yakuleli u-Allen Gahadzikwa lonozinti uFrancis Tizayi.

UGahadzikwa wake wadlalela iBosso leqembu lamasotsha iBlack Rhinos.

Kusenjalo, umqeqetshi weBikita Minerals uSaul Chaminuka udla amalangabi ngesenzo sabonompembe ababephethe umdlalo wabo leArenel.

“Sahlohla ibhola elisegcekeni kodwa angazi ukuthi kungani omunye umuntu wacabanga ukwala lokhu. Ngicaphukile. Ngingaze ngijeziswe kangilandaba.” 

 

 

Share This:

Sponsored Links

Survey


We value your opinion! Take a moment to complete our survey

This will close in 20 seconds