Impi yezidakamizwa, yimpi okumele siyinqobe

22 Jan, 2024 - 14:01 0 Views
Impi yezidakamizwa, yimpi okumele siyinqobe Izidakamizwa

uMthunywa

Chanete Sibanda

UKUSETSHENZISWA kwezidakamizwa lotshwala ngabantwaba besikolo sekuyindaba esegudwini.

Abantu abatsha abakubanga lesikolo yibo ababhekane lodubo lolu oseluhlasele umphakathi eZimbabwe.

Kudala sasicabanga ukuthi utshwala bunathwa ngabantu abadala kodwa kulezi zinsuku sebuykudla bomuntu wonke kunye labantwana besikolo.

Abafundi abesabi ubungozi bokuthatha ngezidakamizwa.

Sizwa kundaba zeWhatsApp ukuthi amapholisa akhathazekile ngokwanda kwentsha etholwa ilezidakamizwa lotshwala. Abanye bethu bahamba begida kumaVuzu, babanjwe besenza zonke lezinto umuntu angazicabanga.

Nxa bekuma-Vuzu basuka beqile abazali besithi baybabal amabhuku kumbe kuma extra lessons.

Kubhenywa lembanje lapho. Abanye bathatha umutoriro eyaziwa ngokuthi yi-crystal meth. Izidamizwa lezi ziyafika esikolo. Asiqapheleni.

Abantu abadala abanengi bazavuma ukuthi ngempelaviki ama-night club edolobheni lakoBulawayo ahlezi egcwele abantwana abaya esikolo bezenza abantu abadala.

Thina njengabantu abatsha kumele samukele ukuthi siphakathi kwempi. Silwa lesitha esibonakalayo futhi esingasehlula.

Ukubona abanengi bethu betshaphaza ikusasa labo ngezidakamizwa akukho kuhle.

Icala lokuqala likulabo abasithengisela lezi zinto eziyingozi. Bafundi asilweni.

Okwesibili lathi silecala. Kumele sitshintshe indlela esiziphatha ngayo. Nxa singahlangana njengabantu abatsha, singasiqeda lesi isitha esifuna ukudiliza ikusasa lethu.

Yimpi esingayinqoba.

Masilweni lokusetshenziswa  kwezidakamizwa, utshwala lakho konke okuphambanisa impilo zethu.

Share This:

Sponsored Links

Survey


We value your opinion! Take a moment to complete our survey

This will close in 20 seconds