uMthunywa
Gibson Mhaka
KULENDODA engusomabhizimusi eGweru ebijwayele ukuya emacansini lamanina atshadileyo, ehlaselwe ngumuhlwa esithweni sangasese, okucatshangelwa ukuba yilunyoka.
Umuhlwa lo ugcwale isitho sonke okwamalanga amane. Lokhu kwadala ukuthi isitho sinyamalale nxa isifuna ukuncinda uluju lomkakhe.
Indoda le (ibizo layo siliphethe), idume ngamabhizimusi ezimota. Kubikwa yathi isihlaselwe ngumuhlwa, yatshela umkayo lemuli isithi kwaqala ngemva kokuya emacansini lenina elitshadileyo.
Iphephandaba likazulu lizwe ngabafakazi abaqotho ukuthi udaba lolu lusegudwini ezitaladeni zeGweru.
Omunye wabafakazi laba uthe usomabhizimusi lo wake wakhuzwa ngesenzo sakhe sokuya emacansini labafazi babantu.
“Walala lomfazi otshadileyo, waqala ukugcwalelwa ngumuhlwa esithweni okwamalanga amane.
“Wazama ukudinga uncedo kubosiyazi lakubaphurofethi kwehlula. Uze wathola usizo kuGogo Chihoro, umelaphi odumileyo eHarare,” kutsho umfakazi lo.
UGogo Chihoro ufakaze ngalokhu. Uthe usomabhizimusi lo waya emacansini lenina elafakwa ulunyoka lwesiduli.
“Ulunyoka lwehlukene. Lukhona olwengqamu, inyoka, inyosi lenhlanzi. Inkinga yikuthi abantu bayathula nxa bengahlaselwa yilunyoka.
“Kuloludaba, umama lo wayala ukuzwisisa ngakho ngacina ngisebenzisa imithi ethile ukuthi ngisize indoda le.
Senganceda abantu abanengi, labanye ababelenhloni yokukhuluma ukuthi bahlaselwe.
Imizamo yokuxhumana losomabhizimusi yehlule ngoba bekuthiwa ungaphandle lwelizwe.