uMthunywa
Nkosilathi Sibanda
LONYAKA umqhudelwano we-Ingwebu Breweries Tug-of-War National Championships uzasekelwa ngemali elinganiselwa ku-$17 000.
Umncintiswano lo, oqhutshwa minyaka yonke enkundleni yeZimbabwe International Trade Fair (ZITF), uzabe ungoMgqibelo.
Ngomnyaka odluleyo, inkampani yeNgwebu Breweries yayifake i-US$11 500. Itshengisele ukuthi izimisele ekuphakamiseni ezemidlalo, ikakhulu owe-Tug of War ezweni lonke.
Imali yosekelo le izasetshenziswa ekuqhutshweni komncintiswano lemvuzo yabanqobi.
Lenani lamaqembu azaphatheka lonyaka likhwelile, nanko kulamaqembu angamatshumi amane lanhlanu. Nyakenye kwakulamaqembu angamatshumi amane.
Obona ngezokuthengiselana kunkampani yeNgwebu Breweries, u-Ayandiswa Maphosa ucele uzulu ukuthi aze ngobunengi, agcwalise inkundla yeZITF.
“Ukhona njalo umncintiswano wethu weZITF Ingwebu Breweries Tug of War. Sinxuse wonke umuntu ukuthi avakatshele enkundleni yeZITF azokholisa, aphinde asekele amaqembu aphakathi kumncintiswano.
“Njengoba sihlala sithembisa, kasibuyeli emuva ngokusekela umdlalo lo. Sizabe sikhona njalo kuminyaka ezayo,” kutsho uMaphosa.
Kubikwa amaqembu azaphumelela azathola imivuzo yemali kuphinde kube lemivuzo ehlukeneyo ebalisela imendulo, izikipa, lokunye okuphekwa yiNgwebu Breweries. Imidlalo yomncintiswano lo izaqalela eGifford High School ngoMgqibelo ekuseni.
Umncintiswano lo usuphenduke waba ngumcimbi othandwa linengi labantu abavakatshela eZITF.
Kuzancintisa amaqembu abesilisa alitshumi lesikhombisa. Kuhlandla labesifazane kulamaqembu angamatshumi amabili lasitshiya galombili.
Kwabesifazane nyakenye, intshantshu kwabaliqembu leGlow Petroleum. IMutare Board and Paper Mills yabayingqwele kwabesilisa.
Ekunqobeni kwayo, iMutare Board and Paper Mills yanqoba iqembu leZETDC.
IGlow Petroleum yanqoba iZPC Munyati.
Uhlelo lwemidlalo kuZITF Ingwebu Breweries Tug of War:
Abesifazane:
Group A: Zesa Holdings, Air force, Mutare Prisons, Correctional Lions
Group B: BCC A, NRZ Bulawayo, Ingwebu B, ZETDC Eastern
Group C: ZPC Munyati, BCC B, CBZ, Tsepete Tsepete
Group D: Glow B, Ingwebu A, Mutare City, ZB Bank.
Men
Group A: Armidol, Bulawayo Metro, Air force, ZETDC B, BCC A, Transmission B
Group B: ZETDC Western, UZ, Mutare Prisons, Mutare Board B, Marowa Diamonds, NRZ Gweru, NRZ Bulawayo
Group C: Mutare Board, Wankie, CBZ, ZB Bank, Zvishavane, Zesa Holdings, Black Rhinos
Group
D:
Exide,
Mimosa
A,
Correctional,
BCC
B,
ZETDC
Eastern,
Tsepete
Tsepete,
Mutare
Board
and
Paper
Mills.
