UMapeza uphumela egcekeni

18 Apr, 2024 - 00:04 0 Views
UMapeza uphumela egcekeni U-Norman Mapeza

uMthunywa

YiNtatheli kaMthunywa

U-Norman Mapeza, umqeqetshi wamaWarriors usevule isifuba ngecala lokungezwani phakathi kwakhe lomdlali weqembu lesizwe uJordan Zemura.

UMapeza usetheswe icala lokungaphathi kuhle abadlali kunye lokusebenzisa indlela yokuqeqetsha enzima ngesikhathi esenkambeni yamaWarriors, ngenyanga edluleyo, okubikwa kwenze uZemura engajabuli, wacabanga ukutshiya ukudlalela ilizwe okwesikhatshana.

Umqeqetshi lo, ubephethe iqembu lesizwe ngesikhathi lapho iqembu elidlale imidlalo emibili yobungane leZambia leKenya.

UMapeza ucabanga ukuthi umdlali lo ubezondele ukuthi kazange akhethwe, ngoba wayehlezi ebhentshini.

“Mhlawumbe inkinga yikuthi akadlalanga ngendlela abethanda ngayo. Ngamtshela ukuthi usetshintshile. Ngomnyaka odluleyo wayedlala kuhle, efuna ukudlala. Sekwenzakaleni?

“Yikho engambuza khona kodwa wathi mqeqetshi ngikahle. Ngingumqeqetshi ngakho ngiyabona nxa umdlali elenkinga,” kutsho uMapeza.

Uchaze kabanzi ukuthi kungani engazange akhethe umdlali lo.

“Ngambona, njalo bengifuna umuntu ongadlala kuhle esesiswini senkundla. Indlela ebesidlala ngayo ibingela abadlali abagijima eceleni kwenkundla.

“Yena udlala esemuva, njengendlela engambona ngayo komunye umdlalo. Ngixoxa lomuntu wonke. Ngamsusa emdlalweni, mhlawumbe wayengafuni ukukhitshwa. UsenguMaradona yini? Yini inkinga? Eqinisweni ngiyabahlonipha abadlali njalo ngikholelwa ukuthi inguqu ngumsebenzi womuntu wonke. Akusikho ukuthi ngokaZemura, Marshall Munetsi kumbe uKnowledge Musona. Ngokweqembu.

 

 

Share This:

Sponsored Links

Survey


We value your opinion! Take a moment to complete our survey

This will close in 20 seconds