uMthunywa
Ukwakhiwa kwesabizwana sokukhomba buqamama – Lesi sakhiwa sisuselwa esabizwaneni sokukhomba eduze ngezindlela ezilandelayo: Kulezo zabizwana zokukhomba eduze ezilungalinye, sijobelela isakhi sesabizwana u “o” bese sifaka osingankamisa ngokufaneleyo phakathi kwesabizwana lesakhi.
Isibonelo: lo + o > lowo; le + o > leyo; la + o > lawo. Uma izabizwana zokukhomba eduze zilamalungamabili, sijobelela u “o” bese unkamisa wesabizwana esuswa adedele indawo isakhi “o”.
Izibonelo: leli + o > lelo; lolu + o > lolo; lobu + o > lobo.
Ukwakhiwa kwesabizwana sokukhomba kude: laso sisuselwa esabizwaneni sokukhomba eduze ngokujobelela u –ya loba u- waya. Izibonelo: lesi >lesiya, lezi > leziya, lobu > lobuya, le > leya.
Isijobelelo u-waya,sisetshenziswa ezabizwaneni u “lo”, “la”. Izibonelo: lo > waya, la> waya.
Ukusetshenziswa kwesabizwana sokukhomba: Siyasebenza silandela ibizo emtshweni.
Ibizo:Intaba leyo ibhidlikile. Izingoma lezi ngezikaMajaivana. Singandulela ibizo emtshweni, kodwa kuvame ukuba unkamisa wokuqala webizo eqiwe uma isabizwana silandulela..
Izibonelo: Leziya izindlu zitshile. Lawaya amawa ayesabeka. Loluya khuni sizalutheza.