uMthunywa
Langelihle Moyo
ABANTU bakoBulawayo bazaphinda njalo bajabule kumcimbi omkhulu ohlelwa nguSikamareza okhangelelwe ukuthi ubekhona eQueens Sports Club mhlaka 27 kuyonale inyanga.
Ekhuluma lentatheli kaMthunywa uSikamareza uthe emcimbini lo kuzabe kulomunye umhlabeleli eMzansi uMawhoo, okunguye ozajayivisa uzulu wakoBulawayo.
“Mhlaka 27 ngoMgqibelo wokucina kaZibandlela ngihlelele uBulawayo umcimbi omkhulu okuzabe kulomhlabeleli ovela eMzansi odume ngokuthi nguMawhoo, njalo ngizaletha lenye i-surprise artiste.
Mawhoo
Kuzabe kukhona osaziwayo bakhonapha koNtuthu abagoqela uWellyonz, Kotwane Hikwa, Reno Life, Boyzn Ishuz, DJ Stout, Prince Eskhosini, Emity Smooth, Ras Obido, La Soul, loKead Wikead,’’ kuchasisa uSikamareza.
Uthe uzulu kabuye azojabula eQueens lapho okuzakube kulomphathi wohlelo uMajoer Prodi, njalo ama-cooler box lama-camp chairs kuyabe kuvunyelwa.
“Ozabe ezibambile engu-MC nguMajoer Prodi. Okunye njalo uzulu uvunyelwe ukubuya lama-cooler box lama-camp chairs,” kuphetha uSikamareza.
