uMthunywa
Ethel Ncube
AKUBIZWA ozwayo eMzansi Afrika ngoMgqibelo kuyonale iviki lapho okuzabe kutshaya khona uSobancane loAphiwe eMoonlight, eMzansi Afrika.
U-Aphiwe loSobancane abasuke eZimbabwe ngoLwesibili belubhekise eGoli bafikele lapho abazabe begida khona.
Ekhuluma loMthunywa uSobancane ubike ukuba konke sekulungile sekusele ukuba bayephakulula abalakho.
“Yonke into ihamba kuhle thina loSobancane sesilungisile konke esizakuphakulela uzulu eMzansi Afrika. Sithanda ukwazisa wonke umuntu oseMzansi ukuba amalungiselelo omcimbi wethu aselungile, ngikhuluma nje sesifikile eMzansi Afrika. Silithembisa uluju lodwa balandeli bethu. Sondelani eduze sizokholisa ndawonye,” kubika uAphiwe
USobancane laye wazise abalandeli ukuba uzabe ekhona laye emcimbini begida loAphiwe lapho abike ukuba bangethuki ukhona.
“Balandeli bethu ngikhona eMzansi, ziyabe zisitsha eMoonlight siyabe sikhona sidlala mathupha ingoma zethu. Buyani ngobunengi benu lizozibonela. Ukutshelwa yikuncitshwa. Siyabonga usekelo lwenu elisipha lona balandeli. Asihlanganeni eMzansi ngoMgqibelo lizobona ukuba siliphatheleni,” kuphetha uSobancane