Afezekile amaphupho eZimvu Ezimhlophe

30 Nov, 2023 - 00:11 0 Views
Afezekile amaphupho  eZimvu Ezimhlophe iZimvu Ezimhlophe

uMthunywa

KULEQEMBU labasakhulayo abadabuka koBulawayo elihlabela ingoma zokholo liseMzansi eseliveze ukuba amaphupho alo okukhipha amadlalade asefezekile.

Iqembu leZimvu Ezimhlophe elaqalwa ngabafana abasanda kuqeda isikolo belisehluleka ukucindezela amadlalade ngenxa yokuswela imali kodwa selilamadlalade amane kunye lama-single amabili.

Iqembu leZimvu Ezimhlophe lasungulwa ngo-2019 ngumqondisi walo elabanye afunda labo njalo besonta bonke.

UJoel Mbambo okhokhela iqembu leli ubikele iphephandaba ukuba iqembu lakhe lokhe liqhubeka lihlabela ingoma zokuvuselela amakholwa.

“Iqembu lethu leli saliqala ngo-2019 ngilabanye abafowethu siyisikhombisa. Engihlabela labo nguZibusiso Moyo, Nkosiyazi Ncube, Goodman Mulaudzi, Pholani Mthunzi, Lindela Mloyi loThaba Dube. Ukuhlabela lokhu sakuqala sisebancane sihlabela enkonzweni kodwa ngenxa yokuswelakala kwemali sasingenelisi ukucindezela.

“Lokhe safika eMzansi sesikhiphe amadlalade angu-4. Idlalade lakuqala iSodoma laphuma ngo-2020 kwalandela elinye elithi iGolgotha ngo2021, saphinda futhi elinye idlalade nyakenye elithi uKholo Lwami lelithi Woza Moya,” kubika uMbambo. Uqhubekele phambili eveza ukuba iqembu labo selike lathola isicoco.

“Lokhe saqala ukuhlabela sesake sathola isicoco seGospel Award kumsakazo weMaqhawenentaba saphila njalo sathola isicoco sokuba yi-Best Amadodana Award ngo2023.

“Abantu abanengi basazi ngengoma ethi Woza Moya. Sithanda ukubonga kakhulu abandeli bethu ngosekelo lwabo olungapheliyo sithi qhubekani lisisekela, ingoma esizihlabelayo ngezenu,” kuphetha uMbambo.

Share This:

Sponsored Links