uMthunywa
“Ngidanile ngoba sengitshiya iqembu. Bengikuthabela ukuthi ngivalelise phambili kwenkundla egcweleyo eBF…,” kutsho uAriel “Mangoye” Sibanda ngokufulathela kwakhe iqembu leHighlanders lamuhla ekuseni.
Unozinti lo, owavimbela iBosso okweminyaka elitshumi lantathu usevalelisile wabika ukuba okwakhe laleliqembu sekuphelile.
USibanda, ubengunozinti aphinde abengukaputeni. Wangena kuqembu ngo-2009.
Ukungabhadalwa iholo phose okwenyanga ezine sekudale ukuthi u-Mangoye atshiye kuqembu leHighlanders.
Umdlali lo ukhethwe ukwazisa abalandeli bakhe ebulenjini ngoLwesibili ekuseni.
Abaphathi bewofisi yezokukhutshwa kwembiko kuHighlanders abazange badobhe ucingo ngesikhathi kudingwa umbono wabo.
USibanda usuke kuTshilamoya ephethe isicoco sokubangunozinti owedlula bonke kuligi yePSL.
