uMthunywa
“NGIVALEKE amehlo amaviki amathathu kodwa ngenxa yokuncediswa ngemithandazo engikuthole kumfundisi wami, uKudakwashe Jose, konke sekutshintshile kwabangcono nanko phela sengibona njalo,” kutsho uTendai uNdoro.
Owayengumgadli weqembu le-Orlando Pirates lo ukhulume ngesikhathi eveza ukuba usezinikele kuNkulunkulu ngemuva kokuthandazelwa ngumfundisi, okumenze wabona ngemuva kokuvaleka amehlo.
Kumalanga asanda kwedlula, uNdoro ubephethwe emlonyeni kulandela ukugcwala kwemfanekiso yakhe ebulenjini. Abalandeli benguqu basola, badana bebona umdlali lo egula.
Uyibikile indaba yakhe yokugula emphakathini ngesikhathi ekhuluma lephephandaba le-Herald. Uthe uyajabula ukuthi usengumzalwane qho webandla leVictorious Family International Church eselokitshini leMbare, eHarare.
Abazalwane ababekhona mhla uNdoro esamukela uNkulunkulu baveze ukuba ufakaze ngeSonto eledluleyo ngokuvaleka amehlo.
Uthe ubesazi ukuthi abantu bakhuluma kubi ngempilo yakhe.
“Ngibonga kakhulu nanko phela impilo yami isitshintshile kusukela ngibuyisele konke kuMdali. Kunengi ukukhuluma obekukhona ngempilo yami kodwa kungekho othinta mina ukuze azwe iqiniso,” nguNdoro lo.
Okwamanje umdlali lo ulolonga leqembu leSimba Bhora ephethwe yisihlobo sakhe, uSimba Ndoro. Ngenyanga kaMfumfu, uSimba wabika ukuthi ngempela uTendai kezwa kuhle emzimbeni.
“Ngijabule kakhulu ngokuncedo engiluthola kusihlobo sami lakumuli. Lude ukhalo esengiluhambile,” kutsho uNdoro eqinisekisa ukuthi utholwe elesifo setshukela.
Ngaphandle kwePirates, uNdoro, oleminyaka yokuzalwa engu-36 udlale kuMpumalanga Black Aces, Ajax Cape Town leHighlands Park.
