uMthunywa
Iqembu leHighlanders seliqhatshe uBaltemar Jose de Oliveira Brito ukuthi abe ngumqeqetshi walo.
U-Oliveira Brito obengumsizi kaJose Mourinho kuFC Porto laku-Chelsea. Uthatha lumsebenzi obuphethwe nguMandla Mpofu oxotshwe kulandela ukwehluleka kwakhe ukuthi avuse iqembu.
Uzalelwe eBrazil futhi uleminyaka engu-70 yokuzalwa. U-Oliveira Brito kubikwa waqala ukuqeqetsha ngo-1988 ekhuza iqembu leVarzim elePortugal.
Umqeqetshi lo uzancediswa nguJoao Martins Leao Torres owayesebenza laye ku-Inter Milan loJoel Luphahla.
Umqeqetshi wabonozinti kuzabe kungu-Daniel Khumalo.
UBrito uzakhele udumo ngokunqoba iligi le-UEFA Champions League le-FC Porto engumsekeli kaJose Mourinho lapho phakathi kuka-2002 lo-2004. Walandela uMourinho ku-Chelsea futhi waba ngumsekeli wakhe kusukela ngo-2004 kusiya fika u-2007.
Ngemva kokutshiya iChelsea, u-Oliveira Brito waqhatshwa njengomqeqetshi weBelenenses ePortugal ngo-2010 kodwa akazange ahlale isikhathi eside, wasuka lapho wayaqeqetsha i-Al-Ittihad eLybia.
Amanye amaqembu adlule kuwo abalisa i-Al Dhafra, Gremio Oscasco, Al Ittihad Tripoli, -Esperance, AEK Athens, Union Titus Petange.
Ngesikhathi ebizwa yiBosso ubengelaqembu.