uMthunywa
ZIYAQAQAMBA izinhliziyo zomdeni wosane obeluleminyaka emithathu olutshonele esibhedlela emva kokulunywa yizinja zomhlobo lwama-pit bulls ngempelaviki. Unina walolu sane uChristelle van der Merwe uthe indodana yakhe uChristopher ibhubhe ngoLwesibili emadabukakusa.
Ngempelaviki amalunga e-SAPS K9 Unit aphuthume ku- Havenview Road, eGlenwood emva kokuthola ucingo komunye wezakhamizi zakuleyondawo efuna usizo ethi izinja ezimbili zibulala ingane. Ngesikhathi efika amapholisa, uSergeants Ismail kanye lo- Marais bafica izinja ezimbili ezinkulu endaweni yesehlakalo.
Ngesikhathi ezama ukungenelela enye yalezinja yahlasela omunye walamapholisa aphoqeleka ukuba azidubule. Ngitsho sezidutshuliwe lezinja zazilokhu ziqonde ngqo kulamapholisa.
UWarrant Officer Sheik wabe esevulela ngezinhlamvu zaze zafa lezizinja. Ingane yatholwa ilamanxeba okulimala kanzima ekhanda, ebusweni, emqaleni kanye lasezingalweni. U-Christelle van der Merwe utshele i-Eyethu ukuthi umdeni ubuthandazela ukuthi lolusana obeluleminyaka emithathu uChristopher lusinde kodwa indodana yabo “ebiligugu” yatshona ngoLwesibili emadabukakusa, imizuzwana embalwa ngaphambi kokuba idluliselwe etheatre ukuze kwenziwe i- emergency operation.
UChristopher wahlaselwa yizinja ngesikhathi elinde ukulandwa emzini womngane walomndeni, lapho ayetshiywe khona imota abeyigibele.
“Ngathola ucingo luthi angiphuthume ngafica abezimo eziphuthumayo sebefikile endaweni yesehlakalo. Ngitshelwe ukuthi wayehamba lomngani wami beya kulomuzi. Wayesezomlanda ngesikhathi uChristopher elunywa yizinja. Bazama ukulwa lalezinja bezisusa kodwa kwanhlanga zimuka lomoya base befonela abezimo eziphuthumayo”.
Lesigameko sesivuse isikhalo sokuthi uhulumende athathe izinyathelo ngokunyuka kwezinga lokukhathazeka kwabantu ngokuphepha kwabo kulezinja eziyingozi ikakhulukazi lezi zohlobo lwama- pit bull esezibandakanyeka ezigamekweni ezinengi zokuhlasela abantu.
Abezimo eziphuthumayo bakwazi ukuphaphamisa lolu sana base beludlulisela eGreys hospital lusesimweni esibi.
“Odokotela bazame konke okusemandleni. Bekade sebelungisela ukuthi adluliselwe etheatre laku- CT scan, okuyilapho edlule khona emhlabeni ngo- 1:30 ekuseni. Indodana yami ikulwile ukulwa okuhle,” kutsho uChristelle ehlengezela izinyembezi.
Uyise ka- Christopher, uCarl van der Merwe uthe uthole induduzo ngesikhathi indodana yakhe imbiza ngaphambi kokuba idlule emhlabeni.
“Watshela onesi ukuthi ufuna ukungibona. Ngaya khona ngase ngimbamba isandla okuyinto eyasiza ekutheni ehlise umoya. Uhambile manje uyokuba loNkulunkulu kanti ilokho okungiduduzayo,” kutsho uyise walolu sana.
UDaphne van der Merwe uthe kusanzima ukuba bamukele ukuthi umzukulu wakhe akasekho emhlabeni.
“UChristopher ubeyingane elungile. Ubehlezi echitha isikhathi sekhefu likaZibandlela logogo wakhe, udadewabo kanye lamanye amalunga omndeni eKokstad. Beyingane ebekumnandi ukuhlala layo. Bekunzima kakhulu ukumbona ekulesiyasimo esibhedlela. Uhambe ngokuthula kanti akukho nzondo ezobakhona emva kwalesigameko. Singamakholwa kanti sikholelwa kakhulu ekuxoleleni kanye lasekuthandeni omunye lomunye,” ktusho ugogo.
