uMthunywa
LUPHENDUKE olomngcwabo usuku obekuhlelelwe ukuthi kuzoba ngolomtshado kathitsha isidumbu sakhe esitholwe ngumfana wenkomo sithungelwe ngomlilo, salahlwa ehlathini elibude buduze lepulazi iCheese Farm eSt Lucia, eMtubatuba ngoLwesithathu.
Besekuphele izinsuku ezinhlanu enyamalele uNkosazana Hlengiwe Mthembu (39) waseBhambanana eJozini, obefundisa eMfolozi Primary School, bekulindeleke ukuba abophe ifindo likasofasilahlane loMnu Linda Bhengu (41) ongowokudabuka KwaDukuza, eStanger, ngoMgqibelo.
Umufi wacina ukubonakala ngoMgqibelo owedlule esiya komakhelwane esiyakwenza amalungiselelo omtshado.
Bekulindeleke ukuthi lezi zithandani zihlanganiswe ngokugcwele ngoMgqibelo mhlaka 24 kuMpandula, kophezulu lokuwusuku olugcine selusentshenziselwe ukumfihla ngalo uNkszn Mthembu.
Isidumbu sikamufi sitholwe luphiko lwamapholisa alandela umkhondo esebenzisa izinja.
Intatheli ikhulume loMnu Bhengu oveze ukuthi isithandwa sakhe siphume endlini abahlala kuyo eMtubatuba, sisiya emzini wakomakhelwane wabo eyokwenza wona amalungiselelo omtshado wabo.
Uthe kulo muzi wakomakhelwane kulentombazane yakhona obekulindeleke ukuba ayohlangana layo ukuze ezokhetha uhlobo lweziphaqulo abezofakwa zona ngosuku lomtshado.
Ngokutsho kukaMnu Bhengu, uthi belomufi bebengagcini nje ngokuba yizithandani kodwa bebengabangani behlala ndawonye ngaso sonke isikhathi.
Uthi ngosuku agcine ukumbona ngalo waqala ukuqaphela ngemva kwehola enyamalele.
UMnu Bhengu uthe olunye ulwazi ngokutholakala kwesidumbu sikamufi kube lusizo lomfana wezinkomo oqale ukubona imota kamufi ngoMgqibelo.
LangoLwesibili ubuye wayithola endaweni eyodwa okuthe kusenjalo wabona kufika abantu wacatsha ngoba esola ukuthi bazombona.
Uqhube wathi uzamile ukubika emapholiseni kodwa kwathiwa ngeke bakwazi ukumsiza ngoba belungakapheli usuku. Uthi umufi waphuma ngemota yakhe okwathi uma ezama ukuxhumana lenkampani yesiqopha-mkhondo (tracker) yaphikwa imota ukuthi ibhaliswe ngaphansi kwayo le nkampani.
“Ukufa yinto ehlala yenzeka zonke insuku kungakhathalekile ukuthi uzotshada noma ngeke utshade kodwa into engizwisa ubuhlungu kakhulu indlela abulawe ngayo baze bamtshisa. Ngaphandle kokuthi besithandana kodwa uthando lwethu salwenza lwafana lokuthi singabangani.
Yingakho kube lula ukubona ukuthi kukhona okungahambi kahle ngoHlengiwe ngoba sonke isikhathi besihlala ndawonye. NgoMgqibelo ungcwatshiwe ekhaya kubo eBhambanana. Kuze kube yimanje ikhanda liphithene angazi ukuthi kuyini lokhu okungehlele.
Okunye engifuna ukukucacisa yikuthi kazikho izinsolo engilazo ngalesi sigameko,” kutsho uMnu Bhengu.
Okhulumela uMnyango wezeMfundo KwaZulu-Natal uMnu Kwazi Mthethwa uthe kubuhlungu ukulahlekelwa nguthitsha ngesihluku esifana lalesi. – Ilanga
