uMthunywa
Ethel Ncube
KULABOMAKOROKOZA beShurugwi ababulele omunye wabo ngokumfuqela emgodini ngemva kokungazwisisani ngesizatho esingatholakalanga.
Indaba le yenzakale ngeviki ephelileyo lapho umuyi uDennis Matema oleminyaka engu-21 yokuzalwa athe evela etshwaleni bamfuqela emgodini wahle wedlula emhlabeni.
Kuvele ukuba omakorokoza abathathu ababalisa umuyi uDennis Matema, Arnold Monda loBenias Mutikwi babenatha utshwala ebhawa.
Omakorokoza
Ngesikhathi sebebuyela lapho abahlala khona endleleni kwaba lengxabano phakathi kukamuyi lometheswacala uArnold Monda okwabangela ukuthi acine emfuqela egodini elitshona okungaba ngamamitha angu-21.
Esewele phakathi abanye benelisa ukumkhipha emgodini bamgijimisela esibhedlela seGweru kodwa ngenxa yokuba wayelimele kakhulu wathi efika esibhedlela kwathiwa usedlule emhlabeni.
ulnspector Emmanuel Mahoko
UMthunywa uxhumane lesikhulumi samapholisa eMidlands uInspector Emmanuel Mahoko oveze ukuba indaba enjalo yafika endlebeni zabo.
“Indaba yomuntu owawiselwa emgodini sesilayo njalo sikhuthaza uzulu ukuba ahloniphe impilo kanye lamalungelo abantu. Lapho kuthe kwaba lengxabano kayilungiswe ngokukhulumisana,” kuphetha uInsp Mahoko.
