uMthunywa
1. KUFANELE silandele usobizo (ibizo loba isabizwana) esimchazayo – Igusu elikhulu abahlala duze lalo lizabalethela inyamazana ezinkulu.
Umnewabo omdala usebenzela elizweni elikhatshana. Igusu kumutsho wokuqala libizo. Elikhulu yisiphawulo esichaza ibizo igusu.
2. Singasetshenziswa lesijobelelo sesinciphiso u – ana. Izintombi zakhe zonke zinhlana. Intombi yakhe endana kulaye ikhubekile yawa. Kumutsho wokuqala isinciphiso ngu/zinhlana/. Kumutsho wesibili isinciphiso ngu/endana/.
3. Iziphawulo ezimbalwa zingasetshenziswa lesijobelelo sesikhuliso u –kazi.
Umkhahlele ngonyawo lwakhe olukhulukazi. Olukhulukazi yisiphawulo esilesijobelelo sesikhuliso u – kazi.
Umfana omudekazi uphose umkhonto wayawela kude. Isiphawulo omude sisetshenziswe lesijobelelo sesikhuliso –kazi sathola omudekazi.
4. Ezinye iziqu zesiphawulo zingaphindwaphindwa.
Ubegqoke isigqoko esidaladala. Bekulabantu abanenginengi emhlanganweni.
Kumutsho wokuqala siphindaphinde isiqu sesiphawulo u-dala. Kumutsho wesibili lakho siphindaphinde isiqu sesiphawulo u – nengi.
5. Iziphawulo zingaba yizabizwana zokuchasisa. Emhlophe itholakale ibhajiwe edamu.
Enkulu inja yiyo emlumileyo. Emhlophe lo enkulu yzabizwana zokuchasisa.
U — emhlopke yisabizwana sokuchasisa ngoba siyinhloko yomutsho njalo simele usobizo esimchazayo emutshweni. U –enkulu yisabizwana sokuchasisa ngoba sandulele ibizo inja eliyichazayo.
Khumbula ingcazelo yesabizwana sokuchasisa esayiphayo kunsuku ezisanda kwedlula.
6. Singazisebenzisa iziphawulo ngokulandula – Ubethwele induku engenkulu.
Engenkulu yisiphawulo esilandulayo. Ulembuzi ezinganengi. Ezinganengi yisiphawulo esilandulayo.