uMthunywa
YiNtatheli kaMthunywa
INKAMPANI yeAgrimarine Solutions isiveze ukuthi izaqhuba izifundo zosuku olulodwa mhlaka 29 Ncwabakazi 2020 lapho abazaqeqetshwa abalimi kuzihloko ezitshiyeneyo zokufuya inhlanzi.
Ezinye izihloko zigoqela indlela zokufuya inhlanzi, indlela zokuzinika ukudla, ukwenza ichibi lenhlanzi, ukwandisa inhlanzi, impilakahle yenhlanzi kanye le-biosecurity.
Ekhuluma lentatheli uCarlton Taika onguMqondisi we-Agrimarine Solutions uthe balempahla yokufuya inhlanzi njalo baphathisa abalimi abafisa ukuqala amaphurojekithi okufuya inhlanzi ukuze baphumelele ngokubaxwayisa ngendlela zokuwaphatha.
Kubikwa inkampani yeAgrimarine iyathenga njalo inhlanzi kubalimi nxa sezifanele ukuvunwa.
Abalimi abafisa ukuphatheka kuzifundo lezi kumele babhadale iUS$25 kumbe imali elingana lale engamaRTGS. Izifundo lezi zizaqhutshwa emahofisini eHarare kunombolo ethi 3 Sandford Road, Eastlea njalo kukhangelelwe abalimi abangu-30 nje kuphela.
