uMthunywa
“NGIYAKHOLELWA ekutheni isoka lami liyidubule ngephutha indodana yethu,” utsho njalo unina wengane okusolwa ukuthi idutshulwe yabulawa nguyise wayo ngephutha ephuzile, eZinyosini, eMtshezi, ngoMgqibelo ebusuku.
Yiloba esithi uyidubule ngephutha indodana yakhe uNkosazana Phumelele Khoza, kodwa uthi usekude ukuyikhohlwa into ayibonileyo indodana yakhe, uZamani Sipho Dlamini (7), edutshuliwe inxeba elilodwa isilele phansi, isithule. Iphephandaba lithole ukuthi ngemva kokudutshulwa kukaZamani, umphakathi uthukuthele wagana unwabu, watitinya uyise walu mfanyana ngaphambi kokuba athathwe ngamapholisa.
UNkszn Khoza ukhulume lentatheli waveza ukuthi udidekile ngento eyenzakeleyo, futhi kusenzima ukuthi ayikhohlwe into ayibonileyo. Utshele leli phephandaba ukuthi uyise wezingane zakhe ubehleli labangani bakhe ngoMgqibelo ntambama ngaphandle komuzi wabo, benatha izimbiza zikaFaro. “Ngesikhathi sekuqala ukuhwalala uphume labo wabaphelekezela sebebuyela emakhaya. Uphangise wabuya endlini esezolala, kwabe sekuqoqoda omunye wabangani bakhe abehambe ebaphelekezela.
Uziphikile, waphendula ngokuthi akekho, akakabuyi, engicabanga ukuthi ubengafuni ukuphuma aye kuye. Lumngane wakhe usuke wahamba esiya ekamelweni elingaphandle ebelilele izingane, wakhuluma lazo ezitshela ukuthi maziyobiza uyise endlini.
Besikuzwa konke lokho, uyise wezingane wabe eseyolanda isibhamu sakhe.
“Kube sekukhala umakhalekhukhwini wami obuphethwe yizo izingane zabe seziphuma ziwuletha kimi endlini. Ziqoqodile zatsho ukuthi zilethe umakhalekhukhwini. Uyise wazo ube esevula umnyango kanti sezadubula indodana yethu. Ingane yami idutshulwe ngaphansi kwekhwapha yathulela khonalapho. Ngagijima ngacela usizo kubomakhelwane. Ubesephithene ikhanda uyise kaZamani ngento ayenzileyo,” kutsho yena.
Uthi amalunga omphakathi afike ethukuthele egane unwabu, angabuzi lutho, amtshaya uyise wendodana.
“Okwamanje kunzima, angazi ukuthi ngingathini, angazi loba ngimxolele loba ngenzenjani.
Engingakutsho yikuthi akwenzileyo bekuliphutha. Ngiyacabanga ukuthi ubezitshela ukuthi ngulo obemdinga njengoba ephume wadubula nje,” kutsho uNkszn Khoza.
uLieutenant Colonel Nqobile Gwala
Okhulumela amaphoyisa KwaZulu-Natal uLieutenant Colonel Nqobile Gwala, uthe kuvulwe icala lokubulala lelokutholakala lesibhamu lezinhlamvu ezingekho emthethweni. Uthe umsolwa ubotshiwe. – Ilanga.
