uMthunywa
OWESIFAZANE waseJozini, uNkosikazi Skhonzile Msane, ubophisa isoka lakhe abesekipite lalo iminyaka engu-11 emzini wabo oseSakhamkhanya, KwaDukuza, ngoba lisuke lamnuka ngokulithakatha.
UNkkz Msane (50), osabiza isibongo salapho ayetshade khona, uthi isoka lakhe (54) laphelelwa ngumsebenzi eGoli, labuya lanuka yena.
“Wafike wangixotsha emzini wakhe engawufica umahliphihliphi kodwa ngawakha kakutsha, wathi yimi omthakathileyo. Wathi ngatshontsha ukhamba lwasemsamu, umlotha, isicephu ahlala kuso uma esthisa impepho lezikhindi zakhe zangaphansi.
“Ngaxakeka ukuthi ngangingamthakatha kanjani umuntu esengithandane laye iminyaka engu-11 futhi engamfica engelalutho, ngamenza ulutho emphakathini.
“Inhliziyo yami ibuhlungu ngempela ngoba ungihlambalaze emphakathini. Sengaziwa njengomthakathi,” kutsho uNkkz Msane obezifikele mathupha emahofisini eSolezwe.
Uthe umsolwa ubuye wathatha izimpahla zakhe, wazichela ngomuthi.
Ethintwa umsolwa kavumanga futhi kaphikanga ukuthi uyazi ngaloludaba kodwa uthe izintatheli azize kwakhe zizoshutha izithombe.
“Okwamanje ngisematasatasa kabi,” kutsho umsolwa.
Okhulumela amapholisa aKwaZulu-Natal uLieutenant Colonel Thulani Zwane, uthe icala elivulwe nguNkkz Msane ngelokweba.
Eziphendulela uNkkz Msane uthe akusilo iqiniso lelo.
“Icala lokuthukwa ngokuthakatha ngilivule ePhoenix kodwa balidlulisela eStanger. Likhona vele elokutshontsha ngalivulela lobaba eStanger kodwa akukenziwa lutho.”
Induna yeSakhamkhanya, uMnumzana Khuzwayo (eyale ukuqanjwa ngegama), ikuqinisekisile ukuthi uNkkz Msane umbikelile ngalolu daba.
“Bengilindele ukuba afike lapha ngoLwesithathu ukuze ngimuse emkhandlwini ukuze ludingidwe enkosini yendawo,” kutsho uKhuzwayo.
UNkkz Msane uthe usesesaba ukubuyela kule ndawo ngenxa yokuthi kaphephile.
Echaza ngembangela yengxabano yabo, uNkkz Msane uthe kwaqala ngokuthi isoka lakhe lifike lenye intombazane ebeselijola layo ngoMpalakazi 28, nyakenye.
“Wafika lale intombazane, wazokipita layo khona emzini wethu.
“Ngambuza ukuthi ukwenzelani lokhu wangitshaya. Wafika lalo ngigula kabi, ngilele embhedeni, ngingakwazi lokuvuka.
“Wangitshaya ngaze ngavuka ngabo-4 ekuseni sengiphalaza igazi.” Uthe kusukela lapho inhlalo kuye ayibange isaba yinhle emzini njengoba umsolwa wayesehlala ngokumhlukumeza futhi wabuye watshisa lezimpahla zakhe.
“Wabuye wagqekeza endlini engasengihlala ngedwa kuyo lendodana yakhe engayifica emzini.
“Ngayifica incane kabi, itshonelwe ngunina, ngayikhulisa njengoba isindala manje. Lamanje ihlala lami, ngehla ngenyuka layo ngoba ayinacala, yazi mina njengonina.”
Uthe usemvulele uxhaxha lwamacala okubalwa kuwo elokumhlukumeza lelokugqekeza kodwa ubengakabotshwa. — Ubulembu
