uMthunywa
Ethel Ncube
ABALIMI endaweni ezehlukeneyo zelizwe sebekhuthazwe ukuthi balime i-baby marrow ngoba ingathathi isikhathi eside ukuvuthwa kukanti njalo ilenzuzo enhle kumlimi.
UMnumzana James Ndlovu ongu-Horticulturalist esabelweni seMatabeleland North uveze ukuthi i-baby marrow yisilimo esingalethela umlimi inzuzo ngoba abantu besithandela inzuzo yaso emzimbeni.
UMnu Ndlovu uveze ukuthi isilimo lesi kasihluphi ngitsho lokusihlanyela ngoba kusetshenziswa intanga.
“Ibaby marrow nxa uyihlanyela kudingeka intanga. Kumele uzihlanyele endaweni evundileyo njalo zifakwe emagodini atshona okwe-7cm kukati
kumele atshiyelane izikhala ze-50cm. Nxa usuhlanyele kumele kuhlale kumanzi phansi kuze kumile.
“Ingamila sokumele uqaphele nxa uthelela ngoba akusamelanga uthelele phezulu kwesilimo kodwa kumele uthelele ngaphansi ukuze
amahlamvu angaphambaniseki,” kutsho uMnu Ndlovu.
Uqhubekele phambili echaza ukuba i-baby marrow ayithathi isikhathi eside ukuvuthwa.
“Isilimo lesi sithatha amviki angu-9 ngemva kokumila ukuba sivunwe. Emzimbeni sikunika uVitamin B, C loK kungakho abalimi abalime isilimo lesi bazitholele imali.
UMnu Ndlovu uphethe ngokuthi i-baby marrow ingalinywa ilemali enhle kakhulu njalo ilomkambo omkhulu.
