uMthunywa
Ethel Ncube
ABALIMI sebekhuthazwe ukuthi bangekeli izilimo zabo zibulawa lukhula njengoba inengi labo lalima lisebenzisa indlela entsha yeNtwasa.
UMnumzana Philani Ndlovu ongumlimisi ngaphansi kwenhlanganiso ebona ngezokulima eye-Agritex uthe abalimi bangekeli izilimo zabo zikhula phakathi kokhula ngoba lokhu kuyehlisa isivuno sabo.
Ekhuluma loMthunywa uMnu Ndlovu uveze ukuba kuqakathekile ukuhlakulela izilimo.
“Izilimo ezinengi sezimilile kodwa osekusuka kube luhlupho yikuthi inengi labalimi lekela amabele ekhula phakathi kokhula.
UMnumzana Philani Ndlovu ongumlimisi ngaphansi kwenhlanganiso ebona ngezokulima eye-Agritex uthe abalimi bangekeli izilimo zabo zikhula phakathi kokhula ngoba lokhu kuyehlisa isivuno sabo.
“Ukhula luyancintisana lesilimo ekutholeni ukudla okucina kubangela ukuthi izilimo zingenzi kuhle umlimi angabe esathola isivuno esikhangelelweyo.
“Amabele kumele angancintisani lokhula ekudleni ukuze enze kuhle,” kutsho uMnu Ndlovu.
Uthe abalimi kumele babone ukuba bahlakulela izilimo zabo masinyane ukuze bangavalelwa lizulu.
“Hlakulani masinyane lingaphuzi ngoba izulu lilakho ukucina lilivalela izilimo zibe sezifela hakathi kokhula.
“Ukuhlakulela izilimo kwenza zikhule kuhle njalo lesivuno sikhuphuke,” kuphetha uMnu Ndlovu.
