uMthunywa
YiNtatheli kaMthunywa
INHLANGANISO yeAgritex isikhuthaza abalimi kundawana zonke zelizwe ukuba bagcine isivuno sabo ngendlela eqondileyo ukuze bangalahlekelwa yikudla.
Agritex
Ekhuluma lentatheli kaMthunywa uProvincial officer we-Agritex Dumisani Nyoni uthe abalimi kabalondoloze isivuno sabo ngendlela eqondileyo.
“Abalimi kumele babone ukuthi lapho abagcine khona isivuno sabo kulapho esizahlala silondolozeke kuhle.
“Kumele baqaphele amagundwane kanye lomuhlwa ngoba lokhu kungamotsha isivuno sabo. Kungakho sikhuthaza abalimi ukuba bananzelele isivuno sabo basilondoloze ngendlela eqondileyo ukuze bengalahlekelwa.
“Kuqakathekile ukuba abalimi bahlale behlola iziphala lazo zonke indawo lapho abagcinela khona ukudla ukuze baphange balungisise lapho osokungabe kulalokhu okungabadlela isivuno.
Kumele bahlale belemithi yokufafaza nxa kuthe kwaba lempehlane, amagundwane kumbe umuhlwa ukuze isivuno sabo sihlale silondolozekile,” kuphetha uMnu Nyoni.
