uMthunywa
Thokozile Mbedzi
ABE-ZIMBABWE Prisons and Correctional Services sebekhuthaze uzulu ukuthi afuye umhlobo wenkomo zeTuli leNguni ngoba ziyamelana lemkhathi eyehlukeneyo okuzenza umhlambi wesizwe ukhule.
Ekhuluma lentatheli kaMthunywa uKhami-Medium Prison Farm Manager uAssistant Principal Correctional Officer uCharles Chitumbura uthe umhlobo lo wenkomo uyamelana lemkhathi etshiyeneyo.
Uthe njengohlangothi olubona ngokuqondisa lokuguqula impilo yezibotshwa uhlelo lolu balwenzela ukuzabela ulwazi ukuze zithi nxa ziphuma entolongweni zithole okokwenza.
“INguni leTuli yimhlobo yenkomo elohlonzi njalo elakho ukumelana lemkhathi etshiyeneyo, kungaba yikutshisa kazilahlupho.
“Inkomo lezi ziyehlisa futhi kakhulu njalo lesisindo sazo singafika ku-450kg.
“Zilakho njalo ukuhlanganiswa lenkunzi zama-Brahman,” nguChitumbura lowo.
Uthe njengohlangothi olubona ngezibotshwa inkomo abazifuyayo lezi ziyasiza ukuthi izibotshwa zithole isitshebo ukuze bangalindi ukunikwa zikhathi zonke.
“Inkomo lezi sizifuya ngenhlonso yokuba singameleli ukuphiwa kodwa lathi sibe lokunye esilakho okwenza izibotshwa zithole ukudla.
“Isiqokoqela yikuthi sinike izibotshwa ulwazi lokufuya inkomo ukuze bethi lalapho bephuma babe sebelakho abangakwenza phandle,” kuphetha uAsst Principal Chitumba.
