uMthunywa
Ethel Ncube
KULAMASELA amahlanu enkomo abesehluphile eBeula eKezi, okubikwa athe ngemva kokutshontsha enye inkomo ayihlinza atholakale efihle inyama ekamelweni lokulala.
Indaba le yenzakale kuyonale iviki lapho iqula lezakhamizi elilwisa ukuntshontshwa kwenkomo esigabeni lesi, elibizwa ngokuthi yiHawu lezifuyo elibhace amasela la kunye losomabhizimusi begcwalise inyama endlini yokulala.
Abetheswacala laba uChino Moyo, Sebenza Mnkandla, Richard Mnkandla, loNicholas Ncube losomabhizimusi uNtuso Ncube kubikwa batholakale belenyama yenkomo kunye lenhloko yakhona endlini yokulala.
UMthunywa ulevidiyo yamasela la ethwele ezangaphakathi kube lenye futhi eyendlu yokulala lapho obekugcinwe khona inyama.
Intatheli ixhumane lesinye isakhamuzi ebesikhona kubanjwa amasela la uMnumzana Juda Sibanda obike ukuba sebezake baphefumule nxa inkomo zabo zisegangeni ngoba amasela la abesehluphile.
uInspector Loveness Mangena
“Amasela la, abentshontsha ahle ahlinze inkomo usomabhizimusi abuye athwale ayethengisa inyama yakhona. Bebethi benganhlinza bafihle inyama lapho abalala khona ukuze ingabonakalii
“Abalwisa ukutshontshwa kwenkomo esigabeni sethu benze umsebenzi omkhulu ngokubamba amasela la bawasa emapholiseni,” kutsho uMnu Sibanda.
Imizamo yokukhuluma lesikhulumi samapholisa esabelweni seMatabeleland South uInspector Loveness Mangena yehlule kwaze kwafika isikhathi sokudindwa kwephephandaba.
