uMthunywa
KUTSHAQEKE ukhomishana wamapholisa, wajuba uphenyo oluphuthumayo lokuthungatha abantu abambe ithuna maqede batshaya bachitha lesidumbu eSenakwe Section, eMokwakwaila eLimpopo.
Kuthiwa lithuke koma lasozwaneni ngeSonto ilungu lomdeni kamufi, uMnumzana Modike Philemon Masedi ngesikhathi liye emalibeni, ngenhloso yokuyolungisela umcimbi wokumbulwa kwetshe lethuna, lifica isidumbu singekho.
Kubikwa ukuthi leli lunga lizithele phezu kwethuna ligejiwe, ibhokisi livulwe gengelezi kodwa isidumbu sikaMosedi singasekho, lase lisiyabikela umdeni lamapholisa.
Okhulumela amapholisa eLimpopo, uBrigadier Motlafela Mojapelo, uthe uphenyo lwesikhatshana lukhombisa ukuthi abatshontshe isidumbu bangene ngembobo emuva kokusika ucingo olubiye emathuneni.
UMojapelo uthe kusolakala ukuthi bagebhe ithuna, baze bafinyelela ebhokisini base betshontsha isidumbu.
“Kubikwa ukuthi umufi utshone ngoZibandlela 15 lonyaka wase engcwatshwa emuva kwezinsuku eziyikhombisa ngoZibandlela 22. Ayaziwa imbangela yalesi sehlakalo kuze kube manje,” kutsho uMojapelo.
Uzwakalise ukutshaqeka kwakhe ngesehlakalo uKhomishana wamaPholisa eLimpopo, uLieutenant General Phindile Hadebe obe esejuba amaphoyisa ukuthi athungathe abasowa aze abathole.
“Sicela amalunga omphakathi akuleya ndawo ahloniphe uphenyo olwenziwa ngamapholisa futhi ahlukane lokuthi kube khona abasolwayo ngoba lokhu kuholela ekutheni kube labantu abagcina sebezijezisela bona ngokwabo,” kutsho uLt Gen Hadebe.
Amaphoyisa aphenya icala lokuphazanyiswa kwendawo yamathuna lelokweba. Acela noma ngaba wubani ololwazi olungaholela ekubotshweni kwabasolwa aludlulisele emapholiseni. -Isolezwe
