uMthunywa
Thokozile Mbedzi
KULAMADODA ayisikhombisa abehamba ehlomile emangweni weGwanda, Collenbawn leWestNicholson ahlasele abantu ngombhobho, amabhemba, izingqamu lamahloka— abotshiweyo ngemva kokuba omunye wabahlukuluzwayo kunye lokuntshontshelwa enelise ukunanzelela omunye wabo wasesiyabikela amapholisa.
Kubikwa izigelekeqe lezi ezibalisa uPhilani Ndlovu oleminyaka engu-29 weNesikwe, uBrighton Nyathi oleminyaka 24 oweGwanda, uEric Sibanda oleminyaka engu-24 weSpitzkop North eGwanda, uNorman Sibanda oleminyaka engu-31 oweBurnside koBulawayo zibotshwe njalo zetheswa amacala ayisithupha okuhlasela lokuhlukumeza abantu zihlomile. Bebehlasela abantu ngokubangenela ezindlini bathathe imali lempahla bebethusela ngemibhobho.
Ekhuluma lentatheli kaMthunywa uDetective Inspector Portia Chinho uveze ukuthi babophe amasela amane kodwa wona abeyisikhombisa njalo ayehamba egqekeza ezindlini ehlome ngombhobho, amahloka, izingqamu kanye lamabhemba bethathela abantu imali zabo lempahla emagweni weWest Nicholson, Collen Bawn leGwanda lapho esithi:
“Sibophe amadoda amane abehamba etshontshela abantu ehlomile.
“Impahla ezitholakeleyo ngezabantu abatshontshelwa ngamahlandla atshiyeneyo njalo impahla le kunye lemali kubiza i25 000 rand le $ZWL6 390, impahla etholakeleyo yona ibiza i$ZWL5 300. Amapholisa acela uzulu ukuba ancedise uzulu ngolwazi olungaphathisa ukuba kubotshwe abanye balaba abangakabotshwa.
