uMthunywa
Ethel Ncube
AKUBIZWA ozwayo eFamona, eNyathi lapho okuzabe kuleqembu likaGodolude and Friendly Brothers kuyonale iviki.
Iqembu leli likhokhelwa nguMandlenkosi Mpofu owazakala ngokuthi nguGodolude njalo bazakube bejayiva eNyathi kuyonale impelaviki esiyikhangeleyo.
UMthunywa uxhumane loGodolude obike ukuba kuzajabulwa kakhulu eNyathi
“Eze-energy ziyabe zijabulisa abantu eMadakeni Bar ngempelaviki sizabe sikholisisa uzulu khonale.
Sesilungise konke esesikulindile yikuba siyebaphakulela esidume ngakho eNyathi. Sifisa uzulu azibonele esilakho ajabule kanye lathi ngempelaviki etshaywa ngumoya elalele njalo ebukele indlela esigida ngayo,” kulandisa uGodolude.
Uqhubekele phambili echaza ukuba abantu bazajabula ukuba leqembu labo.
“Ukutshelwa yikuncitshwa bantu beNyathi wozani sizokwejisa sibukele ukudla kwamehlo.
Ungaphuthelwa yibunandi buya uzobukela iqembu likaGodolude and Friendly Brothers. Umculo ngowenu, siwenzela lina kungakho sicela lisixhase emcimbini lo. Iqembu limile nje ngenxa yosekelo lwabantu kungakho buyani sikholise sitshaywa ngumoya eNyathi,” kuphetha uGodolude.
