uMthunywa
Ethel Ncube
KUZABE kungabizwa ozwayo ngoLwesihlanu kuyonale iviki ePalace Hotel koBulawayo lapho okuzabe kuhlangene abahlabeleli bodumo uGodolude encedisana lo-Andy Muridzo.
Kuzabe kuqhunsa njalo leJeetaz Band.
Abahlabeleli laba bazabe bezokukholisa uzulu, kungakho abantu abalinde kufike ilanga bazitholele ukudla kwamehlo okumnandi.
Intatheli ixhumane loGodolude oveze ukuba selinde ilanga kuphela. UGodolude uhlala eSouth Africa.
“Ngiyafika eZimbabwe ngoLwesine ngilande ukuzokholisisa abantu, yingakho ngithi abalinde ilanga lifike.Ngalelolanga sizabe sijayiva ngendlela ephezulu kakhulu,” kutsho uGodolude.
Uthe uzasebenzisa lelithuba ekuthini ahlabele ingoma zakhe ezintsha, eziphuma kudlalade azalikhipha ngenyanga ezayo.
“Ubunandi bonke elibufisayo buzaphakululwa. Ngiphethe njalo lengoma ezintsha. Ukutshelwa yikuncitshwa,” kubika uGodolude.
UMthunywa uxhumane lomqoqi wohlelo uTapiwa Gandiwa oveze ukuba abantu abakhangelele ubunandi bodwa.
“UGodolude uzabe esesitikini loAndy Muridzo.Kuzabe kufiw, bentshintshana ukugida esitikini ePalace hotel. Wozani ngobunengi benu lizikholisele bantu bakoNtuth, kutsho uGandiwa.
