uMthunywa
UMCULI we-kwaito uThokozani “L’vovo Derrango” Ndlovu usephumile egunjini labagula kakhulu esibhedlela, kanti odokotela basazama ukumtotobisa ukuze akwazi ukuzihambela ngemva kwengozi eyamehlela eNewcastle.
UL’vovo ekhuluma leSolezwe esesibhedlela uthe uyathemba ukuthi usezophuma maduzane njengoba odokotela okunengi sebekwenzile, sekusilela ukuthi bamncedise ukuze aphinde akwazi ukuzihambela.
“Inkinga ngatshayeka enqulwini ngakho ukuhamba kunzima kakhulu, kodwa manje odokotela sebelifakile ‘ipuleti’ lokusiza le ndawo ukuthi ilulame sekuyikhona nje ukuthi ngikwazi ukuhamba.
Sengiqalile ukuhamba amakilasi azongisiza ukuthi ngihambe ngendlela futhi ngiphume ngoLwesithathu egunjini labagula kakhulu,” kutsho uL’vovo.
“Cha sona isimo sasingasibi kakhulu, yikuthi nje ngathinteka impela emlenzeni kodwa emzimbeni lakwezinye izindawo bekungakubi. Ukusinda kwami engozini kungikhombise ukuthi kusekhona okusamele ngikwenze emhlabeni,” kutsho yena.
Uthe uyabonga kubo bonke abebemvakatshela esibhedlela lakubo bonke abebemkhulekela ukuthi asinde ikakhulukazi ozakwabo kwezokungcebeleka labalandeli bakhe.
