Ubunandi emaphandleni eMurambinda

18 Apr, 2024 - 00:04 0 Views
Ubunandi emaphandleni eMurambinda Sandra Ndebele

uMthunywa

Ethel Ncube

AKUBIZWA ozwayo eMurambinda, eManicaland ngoLwesine kuyonale iviki, lapho okukhangelelwe ukuthi izizalwane zakuleli zonke zithi gwaqa zithakazelela ilanga likaZibuse bekholisiswa ngabahlabeleli abatshiyeneyo, abavela endaweni ezitshiyeneyo zelizwe.

Kuzabe kulabahlabeleli ababalisa uSandra Ndebele, Andy Muridzo, Sulumani Chimbetu, Nicholas Zakariya labanye abatshiyeneyo esikolo seMurambinda Primary.

Intatheli ixhumane lomunye wabahlabeleli abazabe benandisa eMurambinda uSandra Ndebele oveze ukuba abantu bazabona intuthu.

“Ngizabe ngijabulisa abantu okokuqala ngingukhansila. Sengike ngatshaya kule indawo kungakho hayi iMurambinda kayingethusi loba sekungemva kweminyaka engu-15. Abantu kabasoze bazisole ngitsho ngokubakhona, kabaze ngobunengi babo.

USandra Ndebele

“Ngizahamba eMurambinda ngithwele isiko lakoBulawayo engilethemba abantu bakhonale bazalamukela balikholise. Ngizakwenza konke okusemandleni ami ukukholisisa uzulu,” kubika uSandra.

Uqhubekele phambili eveza ukuba uyabonga uMongameli welizwe ngokubapha ithuba njengabahlabeleli.

“Ngibonga uHulumende ngokusinika ithuba leli elokuthi sikholisise uzulu sithakazelela uZibuse. Ukuphiwa lelithuba kutshengisa obala ukuba sikholisa izithelo zikaZibuse sikhululekile elizweni. 

“Okunye njalo, abantu bemakhaya bazakholisa ukubona izinto ezitshiyeneyo babezazi njalo bahlangane labahlabeleli abanye ababezwa emisakazweni bengakaze bababone, kungakho leli lithuba lokuthi bazobona abahlabeleli babo mathupha,” kuphetha uSandra.

 

Share This:

Sponsored Links

Survey


We value your opinion! Take a moment to complete our survey

This will close in 20 seconds