uMthunywa
Ethel Ncube
KULEQEMBU labahlabeleli bezokholo elidabuka esigabeni seNkayi eligxile eMzansi Africa elithole indondo ngemva kokukhipha idlalade lalo elitsha.
Iqembu leli elibizwa kuthiwa Amakholwa eNkosi, elilamantombazana amane labafana abathathu liqale ukuhlabela ngomnyaka ka2022 njalo idlalade lalo lokuqala elithi, Izitha lithole isicoco seGospel Music of the Year komunye umsakazo weMzansi Afrika.
UMthunywa uxhumane lomkhokheli walileqembu uDelight Ncube oveze ukujabula ngendle umculo wabo owemukelwe ngayo.
“Emculweni saqala ngo2018 sisaphakulula ama-single. Idlalade silipheke kumnyaka ophelileyo futhi abantu balithandile kakhulu. Njengeqembu sijabule ngokwamukelwa ngezandla zombili ngoba kundima le ikhuba liyatshona hayi mbijana.
“Kuqembu lethu sihlabela siyisikhombisa, uWilliam Moyo, Bongeka Ndlovu, Angel Ndlovu, Thandolwenkosi Tshabalala, Vuyisile Ndiweni kanye loMzingaye Nkomo.
“Njengeqembu lezokholo siyathokoza ukuba sithe sikhupha idlalade lethu elithi, Izitha elilengoma ezilitshumi, abantu balijabulela kakhulu balivotela sathola isicoco thina singekho lelizweni lakithi,” kuphetha uNcube.
