uMthunywa
1 ISIPHINDILE njalo i-Econet. Usulakho ukuthumezela izihlobo labangane inkukhu zeKhisimusi nge-EcoChicken.
Hamba lapho okuthengiswa khona inkukhu duzane lawe uyethumeza kumbe ukwamukela lezonkukhu.
I-EcoChicken ikhona ekuncediseni uzulu.
2 IBHASI lasuka koBulawayo liqonde eHarare.Indawana yonke lapho elalisehlisa khona abantu babebonga umtshayeli webhasi. Wadlula amadolobho wonke belokhu besenza okufanayo. Uthe nxa esengena eHarare sokusele umuntu oyedwa umtshayeli webhasi wabona ingani usele lo-conductor.
“Lamhla abantu bebengithanda jeki, bebehamba bengibonga indlela yonke,” kutsho umtshayeli.
Indoda yaphendula, “into kazimanga ngokuqonda ndoda, utshiye u-conductor koBulawayo ngakho akekho obhadeleyo”.
Umtshayeli wakhangela umakhalekhukhwini wakhe wathola kule 25 missed calls. Waqaleka umtshayeli webhasi.
Ungabona abantu bekubonga kakhulu qala uzibuze ukuthi ngenxa yani. Kkkkkkk.
3 UMFAZI ubuza umkakhe ngelizwi eliphansi, “baba kungani lingasangiphatheli iziwiji lamachocolate njengakudala?
Ngesikhathi lesana wawungithanda ungiphathela lamaluba”.
Ubaba aphendule ekhangele inina lakhe emehlweni, “Sthandwa, hamba uyebuza labo abagola inhlanzi ukuthi inhlanzi ziyaphiwa ama-worms yini nxa sezibanjiwe.’’
4 ENDLINI kuqamuka umsindo ngodaba lwe-bill yefoni. Ubaba: “kungani i-bill inkulu kangaka? angifoni lapha mina ngisebenzisa ifoni yomsebenzi.
Umama: “Lami ngifona emsebenzini wami, ngakho angazi lutho ngalokhu.”
Kube yiso leso lasemntwaneni. Amehlo wonke akhangele unkazana osebenza endlini, ethi nxa ebona lokhu akhulume athi, “lingikhangelani ongafoni ngefoni yomsebenzini wakhe ngubani?”.
