uMthunywa
Ethel Ncube
ABALIMI bakhuthazwa ukuba bakhe ingalani eziqinileyo njalo ezibetha umoya ukuze umumbu wabo wome kuhle njalo ungadliwa ngumuhlwa.
UNkosazana Sibonile Ndlovu ongumlimisi eMatabeleland North kunhlanganiso yeAgritex uveze ukuba ingalani ziyafuneka njalo ziqakathekile njengoba isikhathi sokuvuna sesifikile.
Uthe abalimi kumele baqakathekise ububanzi bengalane zabo.
“Ububanzi bengalane kumele bube yi-1.5 metres ukwenzela ukuba umumbu wome kuhle. Ingalane ingaba banzi yenza umoya ubethe kuhle okuyikho okuphathisa ukuthi umumbu wome ngendlela ekhangelelweyo,” kubika uNkszn Ndlovu.
Uqhubekele phambili echaza ukuba abalimi kumele bakhe ingalane eziqondileyo ukwenzela ukuba bengalahlekelwa yisivuno sabo.
“Ingalane kumele yakhelwe ukuze umumbu wome kuhle njalo nxa usubhulwa loba uhululwa uhululeke kuhle. Yikho siqakathekisa ububanzi bayo ukwenzela ukuba umumbu wome kuhle njalo nxa umoya uphephetha uphephethe engalalanini evulekileyo.
“Ubude kumele imbuzi zingafikeli kiyo ukuze zingahwatshi umumbu, isivuno sicine sisehla,” kuphetha umlimisi Ncube.
