uMthunywa
Nkosilathi Sibanda
Kuzabe kusukuma uthuli kutshaywa imvokloklo zamaPiano ehlangene leZim Dancehall kumcimbi weHCM Festival eTrade Fair ngeSonto.
Abathandi bezomculo lobunandi bazalubhekisa khona belande ingcitshi zokuthokozisa uzulu ezivela eMzansi ezibalisa uDJ Tira, Amaroto, Master KG loDladla Mshunqisi.
Zimbabwe International Trade Fair.
Ezakuleli ezizaqhunsa kuloMzoe 7, Winky D, Jah Signal, King 98 besekelwa njalo nguDJ Mzoe, Yona, Mufali loBen Chest.
Usaziwayo uEzra “Tshisa” Sibanda kubikwa ungomunye ozajabulisa uzulu.
Umcimbi lo ngowokuqala ukuhlanganisa izikhokho zezinga laphezulu eZimbabwe laseSouth Africa.
Akusoke kwalalwa nanko phela kuzabe kuphendlwa indlela yokuvulwa kwenjabulo eyandise ukuza lekhefu likaMpalakazi.
Mzoe 7
Kubikwa amalungiselelo aqhuba kakuhle.
Ekhuluma lentatheli yephephandaba likazulu ngoLwesithathu emini, omunye wabaqoqi bomkhosi lo uDee Nosh uthe konke kuhambe ngendlela.
“Konke singathi kuhamba ngo-line, njengoba besitsho abasakhulayo kulezi insuku. Ngendlela amatikiti athengwa ngayo sikhangele ukuthi kube lombuthano onzima.”
Winky D
Ukuza komcimbi lo kuhlangane lesikhathi inengi likhala ngokuthi abaqoqi bemcimbi sebeqinela ekuphakamiseni abaculi beSouth Africa.
Bakhala bengaqedi abaculi abahlala koBulawayo besithi bavalelwa phandle ngokuncitshwa amathuba labo okuthi bazibonakalise, umculo wabo usabalale.
