uMthunywa
Ethel Ncube
ZISELE zinkemile izakhamizi zeNtalale eGwanda ngemva kokuba enye indoda ithe izamula umlomo wala ukuvaleka okwamalanga athile.
Isimanga lesi senzakale ngeviki ephelileyo lapho uMnumzana Lisang Ndlovu ezamule umlomo wahle wala ukuvaleka wahlala okwamalanga
amathathu ekhamisile, uMthunywa ukuzwile lokhu.
Ekhuluma lentatheli uMnumzana Lindelwe Nare uveze ukuba lokhe besamangele ngodaba lolu olomlomo owala ukuvaleka.
“Ubaba wayehlezi emzini wakhe eziphumelele wasezamula kodwa isimanga yikuthi umlomo wala ukuvaleka. Wazama ukuwuvala labantu bazama ukumncedisa ukuwuvala kwehlula. Uhlale amalanga engakhulumi njalo lomlomo ulokhe ukhamisile elala unjalo avuke kungatshintshanga okudale ukuba bacine bephuma besiyadingisisa.
“Bahamba kubosiyazi kodwa asizange sizwe ukuthi kwathiwani kodwa umlomo wakhe usuvaleka uphinde uvuleke, kutsho ukuthi bamncedisa.
UMthunywa uxhumane lesinye isakhamuzi esikhethe ukubethwa ngokuthi Nkosazana Moyo nje kuphela ochaze ukuba balesithuli ngesiga lesi.
“Abantu bayaloya, lokhu akudingwa njalo kutsho bayathiya abadlali, akulamuntu ongathi ezizamulela umlomo uqine angathi usebanjiwe wale ukuvaleka. Lokhu yizinto zabantu kumbe watshaywa yizinto zahlangana laye ezamula zahle zamtholela khonapho asazi.
“Thina sezwa sesibizwa kuthiwa uNdlovu nango sehlelwe yisimanga kasakhulumi, sagijima sisiyakhona sathola ekhamisile umlomo bethi
awuvaleki. Ngizwe kuthiwa kula amalanga usuvaleka kodwa ukukhuluma akukavuleki,” kubika uNkszn Moyo.
Iphephandaba likazulu lixhumane lelinye ilunga lemuli eliziveze ngokuthi nguNdlovu elivumileyo ukuba kulesiga somlomo.
“Liqiniso ukuthi uNdlovu wathi ezamula umlomo wala ukuvaleka kodwa esingeke sikwenze yikuchaya imfihlo yokuthi khathesi kuhamba njani ngoba asikwazi lapho okuvela khona uhlupho njalo singeke sitshele uzulu wonke thina silwisela ukuthi asile kuphela,” kuphetha uMnu Ndlovu.
