uMthunywa
Vusumuzi Ndlovu
Isihloko: Exquisite Lyrics Vol 2
Umculi: Muse
UPETER Chester ongumculi we-hip-hop ngomunye wabahlabeleli balumculo esingeke samlibala uma kusiza kwezomculo.
Umculi lo owaziwa kakhulu ngelokuthi Muse nyakenye ungene ngovivi ngengoma yakhe ethi 100 Bars. Lonyaka usebuyele njalo estudiyo wayapheka imibono yakhe ngedlalade le Mixtape, Exquisite Lyrics Vol 2.
UMuse usebenzisa isiko le-hip-hop ecula imibono yakhe ngensimbi zemazweni, ezifana laboQuiet Storm eye Mobb Deep lo Chun Li ka Nicki Minaj. Ukhuluma ngobuhle bomculo we hip-hop, njalo lenkinga ahlangana lazo ekuzisukumiseni ngohlobo lwakhe, njalo esenza okuhlukile. Lonyaka, wenze imisebenzi lo MC Chita, njalo lo ChurchMusiq engomeni ezimbili ezibalisa uBenchMark lo Grindin’.
Uphakathi kokuqoqa imidlalo lokuvakatshela indawo ezihlukile ko Bulawayo esabalalisa uhlobo lomculo wakhe. Ekuxoxeni laye, uzwakala elufaka phansi unyawo emela ihip-hop, lokuba uzimisele ukusebenza gadalala kuze kuphutshe.
Qhubekani Majaha sililindele ukuba likhiphe insimbi elizazipheka, lisukumisela uBulawayo phambili!
