uMthunywa
KULENDODA yeGweru etshaywe ngamambondlela yaze yedlula emhlabeni, ebhawa ngoba izame ukuthi abantu bekele udlame. USteven Ziyengwa (23) utshaywe nguTapiwa Sibanda (23) kanye loLawrence Ngwenya (18) ngoba ebuze ukuthi kungani besilwa ebhawa. Kuvele ukuthi osengumuyi wayenatha utshwala kwafika uTapiwa loLawrence baqala ukulwa.
UZiyengwa wabuza ukuthi bakwenzelani lokhu bahle bathatha amambodlela otshwala baqala ukumtshaya ngawo. UZiyengwa waqala ukopha wayabhubhela esibhedlela. Isikhulumi samapholisa eMidlands uInspector Emanuel Mahoko uveze ukuthi udaba lolu lusezandleni zamapholisa.