uMthunywa
Ethel Ncube
KULENINA leBeitbridge elitshaye umkalo ngenkomitsho ebusweni kulandela ukungena komlayezo ovela kumakhwapheni.
Kubikwa uNomathemba Mpofu oleminyaka engu-30 yokuzalwa umiswe phambili komthethwandaba weBeitbridge esetheswa icala lokutshaya umkakhe uTinashe Mukweva.
Kuzwakale ukuba uMukweva watshaywa kathathu ekhanda lebusweni ngenkomitsho wahamba wayamangala okwenza umsolwa wamiswa emthethwandaba.
Umtshutshisi wodaba, uNkosazana Olivia Chamutiya uveze ukuba umsolwa wathola umlayezo ecingweni lomkakhe, owawuvela komunye umfazi esithi kahambe ayebhadala imali ye-lodge.
“Umamangala wafika ngekhaya wahamba wayalala uthe eselele umkakhe wavula ucingo lwakhe wathola umlayezo othi kumele ayebhadala imali ye-lodge. Lokhu akuzange kumphathe wadobha inkomitsho watshaya ngayo umkakhe ekhanda.
