uMthunywa
Yintatheli kaMthunywa
ZILOKHE zikhakhamele izakhamizi zesigabeni seMatopo kulandela ukuzwa ngomunye usomabhizimusi osuke koBulawayo watholakala efile kule indawo kuviki ephelileyo.
Usomabhizimusi lo, uEdmore Cyprianos (49) obengumnikazi weStingrays Swimming Club loba kungakazwakali ukuthi kungani wenza isenzo lesi, kubikwa wasuka koBulawayo wayazihilela epulazini leLucedale bucwadlana leMatopo Research.
Ekhuluma lentatheli kaMthunywa omunye wezakhamizi zeMatopo uMnumzana Thabani Sibanda uthe bona lokhu bengakukholwa ukuthi usomabhizimusi angasuka ayekhatshana ukuyazibulala.
“Silokhe silesithuli ngesiga esisehleleyo esigabeni sethu ngoba kuyethusa ukuba umuntu ezozibophela endaweni engasi yakibo. Lokhu kuletha umoya ongalunganga ebantwini, abanye bazafunda into embi efana lale.
“Abantu bayazibuza ukuthi kambe kungabe kwenzakaleni kulusizi lokhu. Kunzima lokhu sibili lokhe sikhakhamela usiboe sinje.
“Labantwana abakulindawo batshaqekile ngoba lindaba enje iyivelakanci njalo isethusa. Siyethemba abangakibo bazathola ukududuzeka ngaloesi sikhathi esinzima kodwa ungabona umuntu esenzenje uyabe ehlulukelwe ngempela,” kuchasisa uMnu Sibanda.
Isikhulumi samapholisa esabelweni seMatabeleland South unlspector Loveness Mangena ebuzwa ngodaba lolu uvumile wathi selufikile ehofisini yabo.
“Samukele udaba lwendoda engusomabhizimusi ezibuleleyo eMatopo lanxa kungaziwa ukuthi kungani wakhetha ukwenza lokhu.
“Siyaqhubeka njalo sikhuthaza uzulu ukuthi nxa elenhlupho kabikele amapholisa loba abaphathi bezigaba ukuze abantu bengalahlekelwa yimpilo,” kuphetha uInsp Mangena.
