uMthunywa
UMSEKELI kaMongameli welizwe uRetired Dokotela Constantino Chiwenga, ophinda abe nguMphathintambo wogatsha olubona ngezeMpilakahle lokondliwa kuhle kwabantwana izolo uveze ukuthi umhlobo omutsha weCovid-19 obizwa ngokuthi yi-Omicron usukhona kuleli, kungakho abantu kumele baqaphele njalo balandele imithetho yokuvikela ukumemetheka komkhuhlane lo.
UMsekeli kaMongameli uveze ukuthi umhlobo we-Omicron usukhona elizweni ngesikhathi ekumkhosi weFederation of Young Farmers Clubs Awards ngoLwesine.
Uthe kuyadingeka ukuba izizalwane zakuleli zibone ukuthi ziyahlatshwa ijekiseni yokuvikela iCovid-19 njalo ziqhubeke zilandela imithetho yeWorld Health Organisation yokuvimba ukumemetheka komkhuhlane lo.
“Sesihlole ukwakheka komhlobo lo omutsha kungakho igckwane leli sesilalo elizweni. Sonke kasilandeleni imithetho yokuvikela ukumemetheka kweCovid-19 njalo kasihlatshweni ijekiseni yokuyivikela,” utshonjalo.
Inani labantu ababanjwa iCovid-19 seliqalisile ukuqansa Naoko phela izolo kutholakale abantu abedlula i1 000 belomkhuhlane lo.
