uMthunywa
INHLANGANISO ye-Qoki ZiNdlovukazi isinikeze umdlali wethenisi wakoBulawayo uZamani Moyo iUS$300 ezaphathisa ukuthi lumdlali aqoqe kakuhle uhambo lwakhe lokuya eMelika.
UZamani, ongumdlali oqeqetshwa eMakhandeni Tennis Club, usebizwe eLewis and Clark Community College eMelika lapho azafika eqhubeka ngezifundo lokudlala ithenisi kuzinga eliphezulu.
Inkokheli zeMakhandeni Tennis Club zikhuphe umbiko zibonga isipho semali.
UZamani Moyo
“Sithatha lelithuba ukuthi sibonge iQoki ZiNdlovukazi ngesipho seUS$300. UZamani Moyo ngumdlali weMakhandeni Tennis Club ophiwe i-scholarship eLewis and Clark Community College eMelika.
“Lokhu ayisikho kwakuqala iQoki Zindlovukazi iphathisa iqembu lethu, ngo2009 inhlanganiso yasiza kakhulu kuhambo lwethu sisiya kumncintiswano eHarare. Siyabonga ngokuphathisa uZamani.”
