uMthunywa
Ethel Ncube
ISIZALWANE sesigabeni seMzingwane, eSigodini esisebenza e-Ireland sesiveze ubu-Afrika baso khonale ngokuthuthukisa umculo wabansundu ngokubiza abahlabeleli kulelo ukuze bayevuthisa inkundla khonale.
UNkosilathi Ncube ophakamisa umculo uveze ukuba ukhangelele ukuthi abahlabeleli bakuleli bathole ithuba lokuyafika e-Ireland baqhunse umculo wabo khonale.
Ekhuluma loMthunywa uNcube uveze uhambo lwakhe kuze kufike ekuthini ancedise abahlabeleli.
“Ngifike lapha eEurope ngo2021 iCovid isidla ubhedu ngemva kokuzama impilo eMzansi Afrika kwehlula ngasengisiya eIreland.
Lapha ngafika ngavula iDanki Izinto Promotions ngo2022 ngemva kokuba senginanzelele ukuba ezokuzithokozisa ziyasilela nanko ngathi ngizitshayela umculo kurediyo yami abantu bagcwala bakholisa ngahle ngaqala ukuba ngilethe abahlabeleli bezocula ngapha eIreland,” kutsho uNcube.
Uqhubekele phambili eveza ukuba lokhe waqala ukukhulisa abahlabeleli abantu bayakuthakazelela.
“Sengabiza abahlabeleli abafana leKhanyi Golden Rhythms ekhokhelwa nguSikhanyisiwe Ndlovu oweZimbabwe, leDalom Kids eyeMzansi ikanti kuliviki kuzabuya uFreddie Gwala ezonandisa eIreland. Okwakhathesi ngikhangelele ukuba ngithathe omunye umhlabeleli weZimbabwe ezokholisisa abantu ngapha,” kuphetha uNkosilathi.
