uMthunywa
UYISE womrepha u-AKA, uTony Forbes uthi izinsolo ezilokhu zibhekiswe kubangani bendodana yakhe ababekhona ngesikhathi idutshulwa azehli kahle.
Ukutsho lokhu izolo ngesikhathi elesithangami labezindaba eGoli.
Ubonge wonke umuntu obe labo ngalesi sikhathi esinzima wacela ukuthi bakhulekelwe.
Kulesi sithangami kuvele okokuqala emphakathini unina ka-AKA uLynn Forbes lentombi ka-AKA uNadia Nakai.
Uyise ka-AKA uthe bayababonga kakhulu abangani baka-AKA ababe laye ngosuku lwesigameko njengoba baba lesikhathi esimnandi.
“Asikuthandi okukhulunywa ngabangani baka-AKA, amahlebezi okuthi bayathinteka kulesi sigameko.
“Siyababonga kakhulu, sibonga lawo wonke umuntu obe lathi kusukela sizwa lezi zindaba, ngoLwesihlanu sahamba saya eThekwini kwaba khona abantu abahamba lathi saze sabuyela la eGoli. Siyabonga kakhulu lasemapholiseni kaMasipala weTheku asebenze lathi kahle,” kutsho uTony.
Ngemva kokusabalala kwe-video ekhombisa isigameko sokudutshulwa kuka-AKA, abanengi ezinkundleni zokuxhumana basola abangani bakhe bathi kukhona abakwaziyo ngokubulawa kwakhe..
Unina ka-AKA bekucaca ukuthi kunzima okumveleleyo ngoba ubelokhu esula amehlo lokuthe sekuphele isithangami waphuma ekhihla isililo.
