uMthunywa
ZULU omuhle wena sizwe sikaMalandela kambe ungakhula yini ulingane loyihlo uNgangezwe lapho amazinyane akho etshabalala kusa kwamalanga? Kungayisikudliwa yisilo loba umthakathi kodwa ngenxa yokunganaki imithetho nje elawula ukuqhutshwa kwezimota lokuziphatha kwabatshayeli bazo. Ikakhulu lezi ezithwala abantu, imitshova.
Thina abantu simane nje sibulawe okwemvu sithulisele. Emihleni siyakhubazeka sehluleke ukuselela abantwabethu kunye lokuzinakekela thina sesiyizilima ngenxa yezingozi lezi inengi lazo zibangelwa mahlayana sibhekile.
Umtshova uyagijima ngesikhulu isiqubu uvela koBulawayo edolobheni ubheke emalokitshini abantu bethule bembukele umtshayeli ebasa kwagoqwanyawo kungekho loyedwa omkhuzayo.
Kambe bona abatshayeli laba izimota zabo zitshayana nsuku zonke, abakwesabi ngani ukulimala. Bathanda imali ukwedlula imiphefumulo ngitsho leyabo imbala. Kulezinsuku sonke siyakwazi ukuba amandla kagetsi aluhlupho ngitsho lasemazweni esicabangela ukuba kwakhiwe bakhomba ngomphakathi. Imigwaqo yakithi ilawulwa yizibane zemibala zamarobhothi ezisebenza ngogetsi-ke, nxa engekho imigwaqo iphenduka ibe yizifu zokuthiya impilo zabantu. Abatshayeli bezimota babengabazingeli mpela ababathintela kuzo lezo zifu. Ama-ambulensi atshwiyoza njalo nje kungekho suku lokuphumula ngendaba esingayenqabela thina sonke. Ungaba ngumtshayeli kumbe ogade imota ingabe yona ibhasi nakanela impilo zabantu leyakho.
Lumbono uyinkuthazo, engavikela ukulahleka kwempilo zabantu mahlayana nje emgwaqweni.
Kumakhansila ezindawo imigwaqo kayibe lamadundulu okwehlisa isiqubu sezimota nxa kufikwa emarobhothini loba endaweni umgwaqo ozomba khona. Saphela isizwe libhekile baholi bethu. Abatshayeli laba abathatha amacence okutshayela lamuhla litshona ilanga sephiwe imota yokuthwala umphakathi abamiswe labo. Wenza njalo umuntu wakhona ufuna ukugijima ngesiqubu sabamnkantsho ubomvu kuleyondima.
Ezinye zezimota thina sizigadela lapho okungekho emthethweni, nxa kufika amapholisa abaleke-ke labagadi umtshayeli womtshova eqonda lapho elingayikhona engasakhangeli lezinye emgwaqweni ethubela nje lakho okucina kubangela ingozi emgwaqweni.
Kungumbono kaMthunywa njalo ukuthi aluba imigwaqo yonke igcwala amapholisa athembekileyo angasoze adizwe imali ukuthi imota iqhubeke ihamba emgwaqweni yona ingekho kusimo esifaneleyo.
Emigwaqweni lapha njalo siloyisa ukuthi kube khona izimota ezilabongi, ukulinda umgwaqo nje funa kungaba lengozi benelise ukusiza abantu ngesikhathi. Konke lokhu kungenzakala ukulahleka kwempilo zabantu kungaba nganeno.
