uMthunywa
YiNtatheli kaMthunywa
IZILIMO ezinengi ezingasetshenziswa njengokudla kwezifuyo kumele ziqunywe zingakakhahleli. Ukuphuza ukuvuna kwehlisa ukudla okuphakathi kwesilimo lesi kanye lokunambitheka. Ungaphuza ukuvuna ngosuku olulodwa nje lokhu kwehlisa ukugayeka kuhle kokudla lokhu ngesilinganiso esingange 0,5 percent.
Isilinganiso samanzi ekudleni lokhu singaba phezulu, kucina kusiba lokubila kwalokhu kudla. Ukulahleka kokudla kuyehla besokudalwa i-butyric acid enuka kakhulu. Nxa ukudla lokhu kome kakhulu kulakho ukukhunta. Ukuvuna ukudla lokhu kungathiwa yikuquma isilimo lesi besesibekwa emasimini ukuze some ukuze sigcine ubumanzi obungange 60 kusiya ku-70 percent.
Lapho isilimo lesi sesibuna kungadingakala amahola amabili kumbe amathathu ukuze isilimo lesi sibune besesi gcina ubumanzi obufunakalayo. Unganakanela isilinganiso sobumanzi ngokufithizela ukudla lokhu ngesandla sakho. Fithizela ukudla lokhu esandleni sakho ukwenze ibhola ukubambe okwemizuzu engu-20 kusiya ku-30 ubususekela. Isimo sebhola lakhona sitshengisa isilinganiso sobumanzi.
