uMthunywa
Langelihle Moyo
ABABONA ngempilakahle yezifuyo abeVeterinary Services bakhuthaza abalimi kundawana zonke zelizwe ukuthi baqaphele umkhuhlane we-Navel-ill ohlasela amathole azalelwa endaweni engcolileyo.
Umkhuhlane lo ungena esifuyweni ngenkaba ubususabalala ugcwale umzimba wonke.
UDokotela wezifuyo osebenza eVeterinary Services koBulawayo uDokotela Maria Jakarasi uthe umkhuhlane lo uvame ukuhlasela amathole asanda kuzalwa.
“Umkhuhlane we-navel ill ubangelwa ngamagcikwane abalisela i-E-coli, streptococici, pasteurella le corynebacterium pyogenes. Inkonyane esihlaselwe ngumkhuhlane lo ibonakala ngokuphela amandla, ukuvuvuka kwenkaba kanye lalapho okuhlangana khona amalunga omzimba,” kuchasisa uDkt Jakarasi
Uxwayise abafuye imbuzi ukuthi baqaphele umkhuhlane lo ngoba uyingozi ematholeni. Ubuye walandisa ngendlela owelatshwa ngayo.
“Ekwelapheni umkhuhlane lo lingasebenzisa i-Tetracycline ukwelapha amathole la ayabe sehlaselwe. Liyenelisa njalo ukugcoba i-betadine enkabeni yethole,” kuphetha uDkt Jakarasi
