uMthunywa
UKUFUYA izimvu kulula kakhulu njalo kulakho ukukulethela inzuzo enhle nxa uhlele kuhle indlela ozigcina ngayo endaweni yakho. Izimvu yizifuyo ezizithuleleyo, ezingeladlakela njalo zingakupha inyama kwezinye izikhathi uchago.
a. Izimvu zincinyane njalo kazihluphi ukugcina nxa siqathanisa lenkomo, amabhiza kanye lengulube.
b. Kazidingi amadlelo amangalisayo; ziyazidlela utshani nje kanye lokhula.
c. Umquba wazo uyavundisa umhlabathi. Ulakho njalo ukutshintshanisa indawo olima kiyo lendawo izimvu zakho ezidla khona. Lapho okuke kwaba ngamadlelo ezimvu kuba yinsimu enhle elomhlabathi ovundileyo.
d. Izimvu yizifuyo ezizichumeleyo njalo ezifundiseka lula umthetho.
Zilakho ukufunda ukuthi nxa uzibiza zibuye, ukuthi zikulandele lokuthi zime nxa uzitshele ukuthi zenze njalo.
e. Azidingi indawo enkulu. I-acre elilodwa lilakho ukugcina izimvu zakho ezithe xaxa.
Nxa ufuna ukuqala ukufuya izimvu, khumbula ukuthi banengi abantu asebagcina izimvu ukuze bathole inyama, uchago, iwulu okweminyaka eminengi kakhulu kungakho lawe ungakwenza lokhu.
