uMthunywa
YiNtatheli kaMthunywa
NXA ungumlimi kumele ubekwazi ukukhetha izifuyo zokugcina ezisuthisa indingeko yakho. Izifuyo ozikhethayo kumele zibe zivunyelwa esintwini, zifundiseka, zigcineka njalo zilakho ukukunika inzuzo.
Kubalulekile njalo ukuba lezo zifuyo zibe ngezakithi, ngoba seziwujwayele umkhathi kanye lokudla njalo zilakho ukuzivikela emkhuhlaneni yesabelo okuso.
Kuqakathekile ukukhetha ezisaqinileyo esibayeni. Kwezinye indawo kumele ulandele imithetho yesintu kanye lenkolo, ezingavumeli ukufuywa kwezinyamazana.
Abalimi bayakhuthazwa ukuthi bangasebenzisi izifuyo zabo gadalala ngoba kungabangela ukuthi zife
Izifuyo ezivame ukusetshenziswa ukulima zinkomo. Enkomeni abalimi bathanda inkabi ngoba ziqinile njalo zikhuzeka kuhle.
Inkabi yinkunzi etheniweyo yathanjiswa ukuze ibotshwe. Inkabi ziyajwayela imikhathi yakithi eyeSavanna leForest Savanna.
Ukusebenza kwazo endaweni zezulu kuvinjwa yimikhuhlane efana le trypanosomiasis, kumbe i-bovine sleeping sickness.
Ubabhemi
Endaweni ezingela zulu kuyabiza ukufuya inkomo. Obabhemi yibo abahambelana lomkhathi lowo njalo balamandla enelayo ukulima. Obabhemi yizifuyo ezidumileyo ngesikhathi sendlala, ezingaduliyo, ezilula ukufundisa njalo ezikhutheleyo ekulimeni.
Ukusetshenziswa kwemitshina emitsha engalimazi izifuyo sekubonise ukuqakatheka kwabobabhemi kwezokulima.
