uMthunywa
Ethel Ncube
ZINATHISANA itiye izakhamizi zeChipale, eBinga ngemva kokuba esinye isalukazi (65) esithe sisetshwaleni sathathana loBen 10 bayancinda uluju lwemvelo ezixukwini andubana bathi bebhacwa isalukazi sabaleka sakhohlwa isikhindi.
Indaba le yenzakale emavikini asanda kudlula lapho, isalukazi lesi, uSiboniso Shumba oleminyaka engu-65 yokuzalwa atholakale esemacansini loPatrick Dube oleminyaka engu-21 yokuzalwa egangeni.
UMthunywa uxhumane lesinye isakhamuzi esasikhona etshwaleni uMnumzana Dumisani Muleya oveze ukuthi bafisa ukuthi aluba umhlaba uyavuleka bangene ngenhloni.
“Ngangisiyalahla amanzi egangeni, ngezwa kulabantu abanyenyezayo ezihlahleni ngathi ngithi mehlo suka ngabona uShumba encinda uluju lwemvelo lomfanyana ongaba ngumzukulu wakhe.
“Ngabuyela etshwaleni ngabikela omunye owasukuma wayakhangela bathi bembona bacela ezinyaweni ugogo watshiya iphenti esixukwini lowondoda walidobha wafika waqhubela ugogo ngokuthula. Umfana ayelaye uthe ebona lokhu wahle wasuka etshwaleni,’’ kutsho uMnu Muleya.
Ekhuluma lentatheli uNkosazana Siboniso Shumba uveze ukuthi indaba le kafuni ikhulunywe ecingweni.
“Indaba yokutholakala kwami ezixukwini ifuna siyikhulume sikhangelene njalo sizwane ngoba abantu kudala bekutshele okunengi ngami ngeke ngilandise kakhulu ngakho,” kubika uNkszn Shumba.
Iphephandaba likazulu lixhumane lalowo okucatshangelwa ukuba wayeloNkszn Shumba uDube uthe yena loShumba babevumelane kusenzo sabo.
“Mina angifuni kukhuluma kakhulu, mina loShumba ngeqiniso sabhacwa ezixukwini kodwa sasivumelene, akukho engingaqhubeka ngikulandisa,” kuphetha uMnu Dube.
